Како да одберете квалитетен и топол џемпер кој ќе ви трае подолго од една сезона?

Избегнувајте многу тесни џемпери

Џемперите кои се многу залепени обично не изгледаат убаво бидејќи ја оцртуваат линијата на телото, а поради дебелиот материјал додаваат некој килограм плус.

Исто така, тие не топлат колку пошироките џемпери, а и можат да бидат непријатни за носење.

Џемперите со големи „плетенки“ топлат најмногу

Џемперите со плетка која изгледа како големи плетенки дефинитвно топлат најмногу.

Кога се исплетени на овој начин, на нив има повеќе конец кој ќе ве заштити од студот.

Проверете ја еластичноста на џемперот пред да го купите

Неквалитетниот џемпер нема да биде многу еластичен, а ова значи дека ќе ја изгуби формата по само неколку носења.

Затоа, пред да го купите, малку растегнете го џемперот – ако веднаш се врати во првобитната положба, тогаш е квалитетен.

Но, немојте да го пробувате ова на џемпери направени само од памук.

Тенките џемпери нема да траат долго

Џемперите од тенок материјал се кинат многу лесно, а и не се многу еластични. Ова значи дека ќе можете да ги носите едвај една сезона.

Не купувајте џемпери онлајн

Освен ако не ја знаете продавницата, не е препорачливо да купувате џемпер онлајн, особено ако нема податоци од кои материјали е направен.

Кога станува збор за ова парче облека, тешко е да процените дали е добро само од фотографија, па најдобро не ризикувајте.

Спирова С. | Црнобело