Облека со натпис и уште 4 работи кои елегантните дами не ги носат

Маички со име на град: Овие маички знаат да бидат испишани со имињата на големите градови како Париз, Лондон, Њујорк, но колку и да го сакате тој град, нема да изгледате елегантно.

Секој си има свој начин на облекување и за вкусови не се расправа. Но,  доколку сакате да го негувате елегантниот стил, тогаш покрај манирите, мора да внимавате на многу модни правила.

Покрај тоа што треба да знаете што е најдобро да се носи за одредена пригода, мора да се внимава и на тоа што да НЕ се носи.

Работи кои елегантните дами не ги носат:

Маички со име на град

Овие маички знаат да бидат испишани со имињата на големите градови како Париз, Лондон, Њујорк, но, колку и да го сакате тој град, нема да изгледате елегантно.

Облека со натпис

На дамите им е дозволено да носат и спортска облека како тренерки и дуксери, но не и да бидат испишани со каков и да е текст на нив – ниту на горниот, ниту на долниот дел. Не сакате да бидете билборд на вашите мисли и ставови.

Ланче со име

Можеби изгледа слатко и нежно, но една дама знае дека не смее да го кажува секому своето име, туку само тогаш кога треба. На тој начин личите како милениците кои носат приврзочиња со име на нивното ремче.

Шарена маска за телефон

Мобилните телефони веќе долго време се дел од нас и постојано ни се в раце, па затоа е многу важно и тие како изгледаат. Доколку ставите шарена маска, а сакате да изгледате елегантно, тогаш не смеете да си дозволите да имате маска која изгледа детски или тинејџерски.

Премногу накит

Накитот е начин на изразување, но премногу накит на себе не дава елегантен изглед. Тој е еден од деталите на една жена кој ја „издава“ таа каква е, па затоа најдобро е да изберете да носите еден прстен, едно ланче и поситни обетки.

M. Л. | Црнобело