9 предлози за одлична забава во Нови Сад за викенд – Кои настани да ги посетите во септември и октомври 2023?

Кога температурите ќе почнат да паѓаат, лисјата да пожолтуваат, а низ улиците на Нови Сад ќе шетаат луѓе облечени во долги ракави, наместо во летни фустани и кратки панталони, градот добива нов шарм. Дали сте го посетиле градот во есен, кога е во сосема поинакво светло?

За многумина фестивалот EXIT и староградската музика во комбинација со квалитетно вино и вкусна храна на отворено покрај Дунав се првите асоцијации за Нови Сад. Но, прекрасниот град во Панонската низина нуди многу забава и активности дури и на есен.

Па ако досега никогаш не сте го посетиле Нови Сад во текот на есента, одберете еден викенд во текот на септември или октомври. Модна недела, Тамбурашки фестивал, маратон, фестивал на лов и риболов – градот нуди за секого по нешто.

Кои интересни настани можете да ги посетите во Нови Сад во септември и октомври и да имате незаборавен викенд?

Овојпат имаме 9 предлози, за секој викенд во септември и октомври по еден. Ваше е да одберете што најмногу ќе ви го привлече вниманието и да се препуштите на уживањето.

фото: Александар Милутиновиќ

Настани во септември:

02.09 - Новосадски карневал на бродови

Во веселата атмосфера со многу музика и забава, публиката ќе може да ужива во дефилето на бродовите кои ќе пловат од Дунав – од „Штранд“ до плажата Официрец и назад до пристаништето „Градско зеленило“, спроти Петроварадинската тврдина.

Освен катамарани, на кои ќе свират дувачки и тамбурашки оркестри, во карневалската поворка ќе има и раскошно украсени бродови и чамци на членовите на новосадските наутички клубови.

09-10.09 – „Вкусовите на Војводина“

Фестивалот „Вкусовите на Војводина“ на едно место ги собира малите производители на храна и пијалаци од цела Војводина, но и рестораните во кои се негува традиционалната кујна.

Овој фестивал го прави Нови Сад, но и цела Војводина одлична еногастрономска дестинација која ги привлекува љубителите на добрата храна и пијалаци.

фото: Александар Милутиновиќ

14-17.09 – „Тамбурица фест“

Светскиот фестивал на тамбураши „Тамбурица фест“ има мисија да ја афирмира тамбурашката музика и да ги негува традицијата, соработката и пријателствата меѓу уметниците.

На овој фестивал, кој ќе се одржи третиот викенд во септември, настапуваат оркестри од Војводина и целиот свет. Вистински мевлем за уши.

фото: Александар Милутиновиќ

27.09-01.10 – Меѓународен саем на лов и риболов

За страстните риболовци и љубители на ловот, во Нови Сад се одржува саем посветен на ловот и риболовот „LORIST“.

Оваа саемска манифестација е меѓу најзначајните во овој дел на Европа.

Ако сте риболовец или ловџија, ова е настан што не треба да го пропуштите.

фото: Александар Милутиновиќ

08.10 – Новосадски маратон

Секоја година во главниот град на Војводина се одржува Новосадскиот маратон.

Патеката минува низ урбаниот дел на градот и по должината на Дунав.

Освен маратонот од 42km, има и трки во неколку категории: полумаратон (21km), трка на 10km и трка на 5km.

фото: Александар Милутиновиќ

Продолжува на следната страница...