„Охрид и уште 6 места низ Европа“ – Британки препорачуваат идеални дестинации за летување

Лефкада, Грција

Познат под името „грчките Кариби“, овој остров во западниот дел на Грција е еден од омилените на туристите во регионот.

Малиот остров (долг е само 35km) можете да го заобиколите за 2,5 часа со автомобил.

Но, по патот ќе наидете на мали интересни селца, долги песочни плажи и сина боја на Јонско Море, каква што не сте виделе во животот.

Иако островот има плажи кои се секогаш полни со туристи, секогаш можете да отидете на некоја помала, изолирана и неоткриена плажа, и да се воодушевите.

Интересно е што на една од највисоките точки на островот има село и голем ресторан-бар од каде што луѓе летаат со падобран до плажата Катизма (во придружба на инструктор).

Естепона, Шпанија

Земјата позната по стотици туристички локации и атракции, сепак има и места кои се неистражени.

Меѓу нив е и Естепона, шармантно гратче западно од Коста дел Сол.

Од преку 12 милиони странски туристи што ја посетиле Шпанија во 2023, само околу 2% дошле во ова приморско село, со бели куќички, долга патека покрај плажата и стар град.

Изобилува со локали, прекрасни тапас-барови и места за опуштање во кои ќе се заљубите.

Џерси, Каналски Острови

Автономната област која се наоѓа помеѓу Франција и Англија е ретко посетувана од туристите.

Но, тука ќе го најдете најдоброто од двете држави - англиски пиво, француски кроасани.

Локалците ја препорачуваат турата со брод до малите островчиња во близина, на која често ќе можете да видите и делфини.

Пловдив, Бугарија

Еден од скриените скапоцени камења на Бугарија е Пловдив - меѓу најстарите градови во Европа.

Се верува дека е изграден околу 6.000 година п.н.е, па во градот и денес постојат остатоците од античкиот театар Филипополис, кој датира од римско доба.

Стариот град е мешавина од средновековна и архитектура од 19 век.

Но, градот е жив, полн со кафулиња, ресторани, места за забава и уметност.

А. Ј. | Црнобело