Данче од Гевгелија: „Со децата бевме во Леголенд во Германија - како си поминавме?“

„Ова е едно од оние места каде што заборавате колку години имате и место што мора да се доживее - секако, ако имате можност да си го дозволите додека децата се мали (5–12 години). Цената на билетите за сите е иста - 39 евра во работни денови, 44 евра за викенд“, вели Данче која е мајка на 3 деца и е мажена во Нови Сад.

Данче Томашевиќ е креативна мајка од Гевгелија, омажена во Нови Сад, која стана позната по своите уникатни и уметнички декорирани оброци, познати како „food art“, кои ги создава заедно со своите три синa.

На нејзиниот Инстаграм профил „Mama.sa.limana“ таа споделува фотографии од оброците, но и од семејните авантури со сопругот и трите синови, Марко и близнаците Иван и Милан.

Прочитајте и Празнични декорации на чинија – Гевгеличанката Данче креира ремек дела од храна

Сега, таа открива детали за авантурата во Леголенд, Германија.

Нејзиното искуство ќе им помогне и на другите кои планираат ваква авантура:

„Ова беше авантура за паметење. Многу уживавме и ние и децата, и едвај чекаме сè да повториме одново.

Дефинитивно беше ден за паметење.

Ова е едно од оние места каде што заборавате колку години имате и место што мора да се доживее - секако, ако имате можност да си го дозволите додека децата се мали (5–12 години).

Во споредба со Дизниленд, во Леголенд речиси целата содржина е наменета за деца од 6–7 години, има многу помалку гужви и многу е попогоден за таа возраст.

Немам што да кажам освен дека ова е една голема, голема семејна авантура.

Нашите дечиња дури во Прага дознаа дека одат во Леголенд, па возбудата беше уште поголема.

Тие што нè следеа на Инстаграм знаат дека им рековме дека ќе ги водиме во аквапарк во Будимпешта, а оттаму секој ден на некој интересен начин им ја откривавме следната дестинација.

Нашата тура изгледаше вака:

Патувавме преку Будимпешта, Братислава (само кратко застанавме), Виена, Прага, Плзењ (повторно само кратко), Нирнберг, Леголенд и на враќање: Салцбург, Грац, Марибор (кратко), Загреб и Нови Сад.

Оваа тура бара најмалку 10 дена.

Продолжува на следната страница...