На хрватскиот остров Корчула има руфтоп бар во кула, каде коктелите ви стигаат во кошница (фото)

Ако летово одите на Корчула, вреди да го посетите барот кој е скриен на врвот на кула стара половина век - дотаму се стига низ стрмни дрвени скали, а коктелите до вас ќе стигнат во кошница, со јаже кое се крева нагоре до самата тераса. 

Доколку ова лето се одлучите да го посетите прекрасниот хрватски остров Корчула, има едно местенце кое вреди да го посетите.

Покрај совршените плажи и улички низ кои може да се загубите од истражување, тука се и локалите каде може да се опуштите и да уживате.

Ако сакате нешто поразлично, дури и ако не е баш на плажа, тогаш Massimo коктел барот е нешто што не треба да го пропуштите.

Сместен е на врвот на Кулата Закерјан, една од најпознатите средновековни кули.

Има спектакуларен поглед на море, стари градби и кон околните островчиња, но има и уште нешто што е многу поспецифично.

За почеток, за да стигнете до терасата на кровот, ќе искусите мини авантура, бидејќи дотаму се доаѓа преку стрмни дрвени скали кои носат директно низ кулата.

Но, оние кои ќе успеат да стигнат дотаму, со оглед на тоа што бројот на гости во исто време е ограничен, ќе имаат и уникатно искуство на послужување пијалаци.

Нарачаните коктели до гостите стигаат во кошница која се крева нагоре до терасата.

Повеќе Инстаграм фотки од барот:

М. М. | Црнобело