Топ 5 зимски дестинации

Ви требаат совети каде да отпатувате оваа зима и за празниците? Сакате да отидете на место каде ќе ве обземе зимско расположение?

Metro World News ги препорачува следниве 5 дестинации:

1. Задар – звукот на морето. Сместен на далматинското крајбрежје, Задар е на некој начин одвоен од остатокот од Хрватска. Богат е со историја – градската порта датира од времето на ренесансата и ја чуваат опасни венецијански лавови. За посебно доживување слушнете ги звуците на Морските оргуљи на архитектот Никола Башиќ.

2. Бриж – средновековна магија. Сензуален, магичен готски белгиски град. Служи како културен мост меѓу Северна и Јужна Европа во текот на 14 и 15 век. Местото е малечко, но совршено за зимска романтика.

3. Виена – опера, кафани и Божиќ. Во Виена Божиќ се прославува на најмагичен начин од цела Европа. Ќе уживате во звуците на Моцарт и Бетовен, во варено вино, во магијата на комплетно осветлениот град.

4. Финска Лапонија – место за санкање. Лапонија е совршено место за зимување. Иако деновите се кратки, тоа ќе ви биде најмала грижа затоа што овде ќе се чувствувате повторно како дете додека се санкате или се возите на скијачки мотори. Фасцинантна зимска приказна која ќе ви ги разубави долгите зимски ноќи. А, тука се и љубезните домаќини.

5. Француското скијалиште Вал Ценис – мир на француските Алпи. Ова е еден од најубавите ски центри во Франција. Сплет од 30 ски лифтови кои тргнуваат од подножјето на живописните села на француските Алпи. Овде нема гужва и на жичарата не се челка никогаш повеќе од минута – две. Од врвот се пружа восхитувачки поглед на Алпите, езерото, синото небо и белината насекаде околу вас.