10 типови луѓе кои ќе ги сретнете во хостел

Луѓето кои потполно се вклопуваат во средината, па дури и со акцентот

Лични карактеристики: Секогаш знаат каде и што се наоѓа; Го владеат дури и тамошниот јазик и акцент.

Должина на патувањето: 1 месец.

Овие луѓе ќе ги препознаете насекаде низ светот, но посебно во Латинска Америка. Да се разбереме, тие не ја посетуваат земјата да научат, тие се таму затоа што веќе знаат сè! И сега е идеално време да го покажат тоа...

Осамениот патник

Лични карактеристики: Постојано чита книги - водичи; Ужива во самотијата.

Должина на патувањето: 15 дена.

Знаете дека си имате работа со осамен патник само ако нивниот прирачник е стар неколку децении и го сметаат речиси идентично како семејното богатство. Нивната врска со книгата е интимна и тивка.

Европејката\Европеецот од соништата

Лични карактеристики: Едноставни, а неодоливо слатки; Забавни.

Должина на патувањето: 2 месеци.

Оваа Европејка или Европеец е причината зошто насекаде шетате со насмевка, кога таа/тој е околу вас. Се молите да е веднаш до вашата соба, но како за инат е на спротивната страна од хостелот.

Дечкото кој ги познава сите вработени во хостелот

Лични карактеристики: Сите вработени се негови блиски; Понекогаш се однесува како тој да го поседува.

Должина на патувањето: 3 месеци.

Ако на почетокот не забележавте, ова момче е дел од најблиските кругови. Исто како да работи тука - ќе ве насочи накај тоалетот, ќе ги разреши сите нејаснотии и ќе ви објасни во што сè можете да уживате додека престојувате.

Неподносливо заљубениот пар

Лични карактеристики: Постојано се одделени од групата; Без фотографии на кои се бакнуваат не може да помине ни еден ден.

Должина на патувањето: 2 недели.

На почеток се слатки, компатибилни и секогаш во тон. По некој ден може да се фатите како бегате што подалеку од нив, но не е до вас. Заедничкото одење во тоалетот и филозофиите за две тела, а една душа, се премногу за било кој!