Препорачуваме: Фестивали на чоколадото во Италија

Има ли нешто послатко од највкусното задоволство, Неговото Височество, чоколадото? Во Италија има долга традиција за правење чоколадо со познати чоколатерии лоцирани во градовите како Торино, Перуџа и Модика.

Болоња, Фиренца и областа Тоскана, кои иако првично не асоцираат на чоколадо, сепак имаат традиционални чоколатерии, па не е изненадувачки што во овие градови се одржуваат најголемите саеми на чоколадо во Италија.

Ако сте љубители на ова задоволство, подгответе се за чоколадно патување во Италија на некои од следниве фестивали:

1. Eurochocolate di Perugia (Перуџа, Умбриа), 18-27 октомври 2013

Овој фестивал е започнат во 1993 година и сега ќе ја прослави својата 20 годишнина, а ќе се фокусира на биоразградливоста. Чоколадниот фестивал кој е еден од најголемите во Европа, ќе вклучува дегустација на чоколадо, чоколадни уметнички прикажувања, улични перформанси и чоколадни скулптури со инсталации и активности на плоштадите Piazza Italia, Piazza della Repubblica, Corso Vannucci, Via Mazzini, Via Fani и Piazza IV Novembre.

2. Cioccoshow (Болоња, Емилиа Ромања), 13-17 ноември 2013

Чоколадниот саем во Болоња ќе се одржи по деветти пат од 13 до 17 октомври каде мајсторите за чоколадо од цела Италија ќе ги презентираат чоколадите од сите видови, големини и вкусови.

3. CioccolaTo, Торино (Пиедмонтезе), 22 ноември до 1 декември 2013

Италијанскиот главен фестивал за чоколадо кои треба да се одржи во 2013 година. За 10 дена, посетителите ќе имаат можност да откријат некои од најдобрите рецепти за чоколадо во Торино и областа Пиедмонтезе.

4. Showcolate, Наполи (Кампаниа), 6 до 15 декември 2013

Чоколадниот фестивал во Наполи годинава ќе се одржи по петти пат на Piazza del Plebiscito од 6 до 15 декември.

5. Ciocobarocco, МодикА (Сицилија), 6 до 8 декември 2013

Познатиот антички чоколаден рецепт според традицијата на Ацтеките е донесен во Сицилија од страна на Шпанците во 1500 година. Модика уште е нарекувана и Ciocobarocco (Чокобароко), според вековната чоколадна традиција. Оригинално овој саем се одржува во Март, но годинава ќе се одржи во декември, од 6-ти до 8-ми.

6. CioccolArt, Сицилија (Таормина), 21 декември 2013 до 6 јануари 2014

Овој чоколаден фестивал ќе се одржи по петти пат во Таормина (Сицилија) од 21 декември до 6 јануари.

7. Cioccolentino, Терни (Умбриа), 12 до 16 февруари 2014

Cioccolentino е веројатно најромантичниот и највозбудливиот фестивал од сите чоколадни фестивали. Не само затоа што се одржува на празникот „Св. Валентин“, туку и затоа што е лоциран во градот кој е познат како главен град за сите вљубени.

8. Fiera del Cioccolato Artiginale, Фиренца (Тоскана)

Оваа година е најавен чоколаден спектакл од 10 до 19 февруари 2014 во магичната Фиренца.

9. Ciok in Roma, Рим (Лацио), февруари 2014

Овој фестивал првпат се одржа минатата година. Неговата цел беше да претстави нешто потполно различно од останатите италијански чоколадни фестивали, поврзувајќи ја храната на боговите со археологијата. Што ќе прикажат оваа година останува да видиме откако ќе бидат објавени датумите за негово одржување.