Романтично бегство: Сплавови кои се изнајмуваат за една ноќ

Претворете го патувањето во поинакво уживање и почувствувајте како е да се преспие барем една ноќ во еден од овие прекрасно уредени сплавови.

Откога ќе поминете една ноќ во овие сплавови, бидете сигурни дека повеќе никогаш нема да посакате да се сместите во стандарден хотел.

Можеби во иднина стандардните туристички места ќе бидат заменети со токму овој тип на сплавови:

1. Париз 

Ако градот на љубовта е вашата следна дестинација, тогаш ова нека биде вашиот престој. На само 5 минути од Ајфеловата кула. Овој сплав поседува приватна палуба за уживање во текот на денот и чини 152 евра за едно ноќевање.   

2. Сиетл 

Чувствувајте се како дома, во ова удобно катче кое е само на неколку минути од центарот на градот. Цената за едно ноќевање е 150 евра. 

3. Саусалито-Калифорнија

Многу туристи кои патуваат накај Сан Франциско, го посетуваат и истражуваат ова место. Сплавовите датираат од 1934 година, а една ноќ во нив ќе ве чини 200 долари. 

4. Лондон 

Удобно и пријатно место за уживање над реката Темза во срцето на Лондон. Доколку имате буџет од 225 евра за една ноќ, тогаш дефинитивно треба да ги потрошите токму тука.

5. Њу Орлеанс 

Луксузно и отмено, овие сплавови се далеку подобри од хотел, а за една ноќ треба да одвоите 225 долари. 

6. Портланд 

Одлично место за повеќе луѓе, овој сплав поседува приватна палуба совршена за мини забави. За ваков одмор треба да издвоите 400 долари од ноќ. 

7. Амстердам 

Престојувајте на мирна и тивка локација, а само на неколку минути од градот. Ако одите во потоплиот период од годината, понесете си со вас и костим за капење. Една ноќ ќе ве чини 152 евра.