Измислени градови од филмовите кои може да ги посетите

Тоа што не постои не значи дека не можете и да го видите. Тоа се потврдува особено кога се работи за градовите кои ги гледаме во некои од најпопуларните филмови и серии.

Многу од нив географски не постојат во официјалната мапа на светот, но сепак се реални и може да ги посетите.

1. Mordor

Регионот Мордор во Меѓуземјата беше клучна локација за сите книги на „Господарот на прстените“. Кога се снимија филмовите според книгите клучно беше да се пронајде локацијата која најдобро го претставува Мордор, а како најсоодветно одбрано е местото Mount Tongariro на Нов Зеланд.

2. Mos Eisley

Повеќето луѓе кои го посетиле Тунис, веројатно биле во овој град. За потребите на филмот „Војна на ѕвездите“, направен е сет во пустина - една од најголемите атракции на државата, а се наоѓа на островот Џерба во Тунис.

3. Narnia

Голем дел од филмот „Хроники од Нарнија“ е снимен во Нов Зеланд во подрачјето на северниот дел од островот, поточно кај Оамаруа. Тоа е познато место по својата суровост и убавина, а таму се снимани и делови од трилогијата „Господар на прстените“.

4. Pandora

Еден од најубавите филмови „Аватар“ чие дејство се одвива на сосема друга планета по име Пандора, всушност е снимен на Хаваите.

5. Sillent Hill

Овој град се јавува во истоимениот хорор филм кој е сниман во Пенсилванија. Интересно е како во 1962 година во рудниците под градот избувнал пожар кој гори и ден денес, а се верува дека ќе му требаат уште 250 години за да се изгаси.

6. Canyon of the Crescent Moon

Canyon of the Crescent Moon е всушност измислена филмска локација од филмот за Индијана Џонс. Филмот е снимен во Петра во Јордан.

7. Walford

 Ако ја имате гледано една од најпопуларните британски серии Eastenders, ќе ви текне на измислениот кварт Walford кој и реално се наоѓа во источен Лондон.

8. Sunnydale

Ако се плашите од вампири, Sunnydale е град кој сигурно треба да го избегнете. Иако тој не постои, градот каде што е снимана серијата „Buffy the vampire slayer“ сè уште постои. Тоа е местото Вентура во Калифоринија.

Би посетиле некој од овие градови?