Без неред: Најефикасниот куфер на светот

Станува збор за куфер кој во себе има вградено 4 полици благодарение на кои нема да има потреба да се отпакувате.

Компанијата ShelfPack го направила овој куфер на тркалца по замисла дека нема потреба да се отпакуваме кога ќе пристигнеме на посакуваната дестинација.

Се што ни е потребно е подобра организација на облеката, односно онаква организација каква што ја имаме и во гардероберот дома наместо непосакуваниот неред кој обично го имаме во обичните куфери.

Покрај тоа што куферот е составен од 4 полици, на едната страна има и 3 поголеми составни делови со патенти кои ви даваат дополнителен простор за пакување.

Куферот е во должина од 71cm, широчина од 47cm и височина од 36cm. При целосно подигнување на полиците достигнува височина од 107cm.