Најдобрите европски дестинации за љубителите на виното

Традицијата на правење вино е стара колку и самата човечка цивилизација, а историјата на европското вино датира уште од времето на античките Грци, околу 8-6 век пред новата ера кога луѓето започнале со одгледување и искористување на маслинките и виновата лоза.

Виното се сметало за главен пијалак на елитата, а по Римскиот период започнало да биде достапно за скоро сите луѓе.

Денес процесот на правење вино прерасна во една голема индустрија и во некои земји, дури и главен двигател на економијата.

Европа како лулка на цивилизацијата има огромна улога во винската индустрија, односно зазема 2/3 од неговото севкупно производство.

Топ 3 земји кои се сметаат за најголеми произведувачи на виното се Франција, Италија и Шпанија, при што трите заедно имаат околу 80% од производството на виното во целиот свет.

Ова се топ 6 земји во кои, кога ќе отидете, не смеете да ја пропуштите дегустацијата на доброто вино:

1. Бургундија, Франција

На само 100 километри од Париз, се наоѓа фантастичниот вински регион Бургундија.

Величествените плантажи со винова лоза, иако се мали, ги красат прекрасни пејсажи и мали средновековни села.

Црвеното вино најмногу се прави од Pinot Noir грозјето, а бело пак од Шардоне.

Петте главни региони во кои се обработува виното се: Chablis, Cote d’Or, Sancerre, Macon и Beaujolais, идеални локации за одмор во модниот Париз.

2. Тоскана, Италија

Уште пред 1000 години, древните Етрурци ги откриле здравствените предности кои ги имаат виното и маслиновото масло, а истите и натаму продолжуваат да се употребуваат во овој регион.

Тоскана е една голема област која зафаќа различни региони со различни климатски услови, а заедничко за сите е грозјето од кое се произведуват неколку познати вина.

Најпознато црвено вино е Сенџовезе, а главни бели вина се Требјано и Санти.

3.Ла Ријоа, Шпанија

Шпанија е третиот светски произведувач на вина, а покрај престижните вина што доаѓаат од таму, истите одлично се вклопуваат и во нивните традиционални кулинарски деликатеси.

4. Долината Мозел, Германија

Мозел е една од 13-те официјални вински региони во Германија и водечка, кога станува збор за интернационалниот изглед.

Околу 60% од белото вино што се произведува во светот доаѓа токму од овде и мозелските вина се сметаат за едни од најдобрите.

5. Бордо, Франција

Бурниот бизнис на извоз на вино започнал од средината на 12-от век и трае се до ден денес. Бордо се наоѓа на Атлантскиот брег, а е дом на едни од најпознатите вина како што се Saint Emilion, Medoc и Pomerol.

6. Кефалонија, Грција

Планинскиот остров Кефалонија е препознатлив како најважниот остров во кој се прават познатите грчки вина направени во нов стил.

Како карактеристичен дел од нивната традиционална и античка култура, едноставноста на грчките вина лежи во нивните посебни уникатни вкусеви кој доаѓаат од нивните домашни врсти на грозје, а кои ги има преку 300 видови.

Автор: Е.Г.