Историја, плажи, вкусна храна: Еден ден на островот Лимнос

Во северниот дел на Егејското море, на пола пат измеѓу полуостровот Халкидики и турскиот брег е вгнезден островот Лимнос, или уште познат како Лемнос. 

Централното место на овој песочен остров  е градот Мирина со бројни таверни, поплочени улици и замок од византискиот период, од кој се гледа целиот град.

Според еден грчки мит, овој град му припаѓал на Хефест – богот на огнот и ковачкиот занает. Според друг мит, Амазонките владееле со Лимнос, кои претходно ги претепале сите мажи на островот. Кога Јасон со своите аргонаути тргнал во потрага по златното руно, жените од островот се обиделе да го заведат, но на крај немале успех.

Ако одите на северните плажи, морето ќе биде немирно, но безопасно. А, ако сте љубител на антиката, на островот ќе пронајдете остатоци од споменици посветени на Хефест или култот Каварија, ритуален 9-дневен обред кој се одржувал еднаш годишно кога целиот оган на островот бил изгасен, а островот светкал во слава на виното, жените и морето, во исчекување на бродот кој го пратил богот Аполон на островот Делос по нов оган.

Кога ќе се изморите од плажа, морските спортови и историските знаменитости, сѐ што ви останува е ноќите да ги поминете во некои од најдобрите таверни во цела Грција. Најдобри, а сепак најевтини. Плус тоа, ќе пропуштите многу ако не пробате петел во вино, зајак со фломариа паста во Мантели, октопод со узо и закиселен лук, јагнешко кај О Мераклис или риба кај Гларопуле.

• 
• 
• 
• 
• 
• 
• 
• 
• 
•  

С. С. | Црнобело