Зошто да ги искористите евтините летови до Копенхаген и што да посетите?

Месец октомври е совршено време да ги искористите евтините летови и да заминете на патување за Копенхаген, главниот и најголем град на Данска.

Причина плус не се само евтините летови, туку и фактот што овој град е посебно убав на есен.

Ако никогаш претходно не сте биле, можете дури и за еден ден да ги посетите најголемите туристички атракции.

Што да видите за еден ден?

За помалку од 24 часа можете да посетите пет од најпознатите атракции.

Ако почнете со прошетка рано наутро, на пример, веќе во 9:45 часот можете да ја видите статуата на Малата сирена која била инспирирана од приказната на еден од најпознатите писатели на Данска Ханс Кристијан Андерсен.

Доволни ќе ви бидат околу 30-на минути.

Следно што можете да посетите е „Frederikskirke“ уште попозната како мермерната црква во рококо стил. Ако одите пеш, ќе ви требаат 16-та минути за да пристигнете од статуата на Малата сирена. Доволни ќе ви бидат 45 минути за детално да ја разгледате оваа монументална градба.

На 2 минути од мермерната црква, се наоѓа палатата „Amalienborg“, односно домот на данското кралско семејство. Доволни ќе ви бидат час и 30 минути.

На 8 минути од палатата ќе наидете на „Nyhavn“ - канал и забавна област од 17-от век. Тука можете да уживате во добра храна и вино, да направите малку одмор и да продолжите понатаму до последната дестинација за овој ден.

На 11 минути од „Nyhavn“ се наоѓа палатата „Christiansborg“ каде е сместен данскиот парламент.

Ако имате на располагање уште 2 дена:

Вториот ден

Утрото можете да го започнете со посета на Градското собрание. Доволни ќе ви бидат 30-на минути да уживате во глетката, а можеби и да се напиете кафе.

На 5 минути од собранието се наоѓа Националниот музеј во кој ќе ви бидат потребни 2 часа за посета.

На 13-на минути пешачење од Националниот музеј се наоѓа Кружната кула за која доволни ќе ви бидат час и 30 минути посета.

На 9 минути од неа се наоѓа палатата „Rosenborg“.

Прошетката можете да ја завршите со посета на Националната галерија на Данска која се наоѓа на 5 минути од „Rosenborg“, а во неа доволни ќе ви бидат час и 30 минути за да ги разгледате некои од најважните ремек-дела во историјата на данската уметност, па и пошироко.

Третиот ден

Третиот ден можете да посетите уште четири важни културни атракции во Копенхаген.

Утрото можете да го почнете со посета на Главната катедрала во Копенхаген.

На 11 минути од неа се наоѓа Музејот „Carlberg Glyptotek“. Ова е еден од најпознатите уметнички музеи во градот кој бил основан од Карл Јакобсен и компанијата за производство на пиво „Carlsberg“, а во неа делата доаѓаат од приватната колекција на Јакобсен.

После 6 минути пешачење од Музејот „Carlberg Glyptotek“ ќе пристигнете до Данскиот дизајнерски центар каде можете да ги погледнете некои од најинвентивните дизајни од данската култура.

Последното место кое ви останува да го погледнете е Кралската библиотека која е на 8 минути пешачење од Данскиот дизајнерски центар.

Настани во октомври

Ако се решите да го посетите овој прекрасен град до крајот на месец октомври, можете да уживате во неколку настани.

1. „An Age of Our Own Making“

Настанот трае од 16.09.2016-та, па се до 08.01.2017-та година. Кунстал Шарлотенборг отвора нова изложба која вклучува инсталации и перформанси од страна на разни меѓународни уметници.

2. Halloween во паркот Тиволи

Настанот трае од 14.10.2016-та до 06.11.2016-та година. 20.000 тикви, 2.000 бали од слама и 5.000 растенија ќе ве одведат во едно страшно, но истовремено и волшебно расположение во срцето на Копенхаген.

3. Културна ноќ

Од 15.10.2016-та, па се до 23.10.2016-та година можете да уживате во разно разни настани кои се одржуваат во само еден ден, а се наменети како за возрасни, така и за деца.

4. Станете лего архитект

На 21.10.2016, Данскиот центар за архитектура ќе направи еден мал град од лего во кој можат да уживаат и најмалите.

5. Дегустирање на пиво

На 21.10.2-16-та година, ќе имате можност и да пробате разни пива и да погледнете како се прави овој алкохолен пијалак.

Ако решите да одите во ноември ве очекува Божиќна магија

6. Божиќ во паркот Тиволи

Од 19.11.2016 до 31.12.2016 можете да прошетате низ божиќниот пазар во паркот Тиволи каде целиот простор се претвора за неколку месеци во вистинска бајка на Земјата.

7. Божиќ во „Fredensborg“

На 20.11.2016-та година градоначалникот ќе ги запали свеќите на божиќното дрво, кловнови ќе заиграат на улиците, плус имате можност да уживате во многу шарено украсени продавници.

8. Божиќ во „Grønnessegaard“

Од 26.11.2016-та до 27.11.2016-та година се отвора божиќниот пазар каде на 60 тезги можете да ги пронајдете најубавите декорации и подароци за Божиќ и Нова година.

Н. Г. | Црнобело