Земји кои треба да ги посетите во 2017-та според Lonely Planet

Тимот на „Lonley Planet“ состави неколку листи на места кои задолжително треба да ги посетите во годината која ни доаѓа.

Имавме можност да погледнеме кои градови треба да се најдат на вашата листа за патување во 2017-та година, сега на ред се државите.

Ова се топ 10-те држави кои треба да ги посетите во 2017-та:

1. Канада

Оваа држава ја следи позитивност која посебно се чувствува по нејзиниот енергичен нов лидер Џастин Трудо. Има многу динамични градови во кои вреди да ја пробате мешаната кујна, но и мистериозно потценетите вина.

2. Колумбија

Децении граѓанска војна значеа дека тука патуваат само најхрабрите, но денес, настрана од проблемите во минатото, Колумбија нуди микс на вибрантна култура, природа и гостопримство на топлиот народ.

3. Финска

Оваа година Финска ќе биде домаќин на Светскиот шампионат во уметничко лизгање и Светскиот шампионат во нордиско скијање, а тоа значи дека е идеално време да ја откриете уникатната култура на државата, па и прекрасните пејзажи.

4. Доминика

Локалното население вели дека ако Кристофер Колумбо станеше од својот гроб, само Доминика би можел да ја препознае од сите острови кои ги посетил. Ова е единсвениот недопрен остров чии највисоки облакодери се кокосовите дрвја на плажите.

5. Непал

Земја во која дефинитивно треба да пропатувате, ако сакате да ја разбудите спиритуалноста во себе, но и филозофската страна. Со безбројните храмови кои секојдневно се градат над оние старите кои биле срушени, населението ја покажува својата најсилна страна.

6. Бермуда

Британската територија често се смета за Карипски остров, но ретко кој знае дека оваа информација не е точна. Ова посебно место е совршена локација за оние кои сакаат бели песочни плажи, мирно тиркизно море и морепловство.

7. Монголија

Во 2017-та, Монголија ќе отвори нов модерен аеродром кој претставува симбол и за брзата модернизација на државата. Но, покрај модерните градови, во Монголија се кријат и прекрасни пејзажи кои вреди да се посетат.

8. Оман

Оман одамна е позната како арапска држава која на туристите им нуди луксуз, но се чини дека како тоа да беше подзаборавено во последните години. Во 2017-та година, во Оман ќе се отвори футуристички тематски парк за семејства, па вреди туристите да се потсетат и на оваа земја.

9. Мјанмар

Посетата на оваа земја претставува предизвик со тешкотии, но од друга страна, еднаш штом ќе влезете во неа ве очекуваат отворени порни на една одамна заборавена егзотична Азија од која се шират звуци на монаси кои се молат и ѕвона.

10. Етиопија

Етиопија е една од оние егзотични земји во кои можете да уживате во свежо подготвено кафе, мириси на ванила, егзотични овошја, континуирани сончеви денови и посебно убави пејзажи кои се достапни на секого.

Н. Г. | Црнобело