Шарената велигденска традиција низ улиците на Антигва ќе ве остави без зборови

Антигва, остров во јужна Гватемала е под заштита на УНЕСКО уште од 1979 година, поради културолошкото, политичкото и архитектонското значење. Зградите во барокен колонијален стил се главното обележје на овој поранешен главен град, но она што вистински го прави прекрасен е несекојдневната шарена велигденска традиција.

Секоја година улиците во Антигва се покриваат со цвеќиња во вид на шарени теписони како дел од подготовките за големиот празник Велики петок, односно во текот на т.н. Света недела.

Овој процес е проткаен со макотрпна работа. Цвеќиња, прав во најразлични бои, овошја и зеленчуци како и песок се составен дел од долгите шарени теписи кои ги покриваат централните градски улици.

Ангажирани се многу локални уметници кои со помош на шаблони ги прават најубавите празнични шари. Должината на овие шарени цветни теписи достигнува и до 1 km.

Обоени со најразлични мотиви на флора и фауна, како и делови од гватемалската историја, овие улични декорации се неверојатни за око и останува само да воздивнеме и да посакаме нешто слично и на нашите улици, нели?

Погледнете ја цветната велигденска бајка во Антигва:

(О)Милена | Црнобело