11 најопасни туристички дестинации во светот

Грција, Италија, Шпанија и слични познати земји се вообичаениот избор за туристите во секој дел од годината. Луѓето ги избираат поради тоа што имаат што да понудат и се безбедни за патување.

Но, има и храбри туристи кои сакаат нешто поразлично од вообичаените знаменитости и тропски дестинации.

Ова е листата на 11 најопасни туристички места низ светот:

Долината на смртта, САД

Долината на смртта е позната по тоа што таму е измерена највисоката температура на цела планета која изнесува   56.7 °C.  Без вода, на ова место може да се преживее најмногу 14 часа.

Пустината Данакил, Еритреја

Температурите тука достигнуваат и над 50 Целзиусови степени, а има и активни вулкани и гејзери, па ова место е брутално за посетителите и е наменето само за најхрабрите. Сепак, пристапот е забранет доколку не дојдете со искусен водич.

Планината Вашингтон, САД

Врвот на планината Вашингтон го држи рекордот за најбрзите ветрови кои некогаш биле измерени и изнесувале 327 километри на час. Освен ветровите, ова претставува и едно од најладните места во светот. Тука температурата може да се спушти и под 40 степени.

Вулканот Синабунг, Индонезија

Синабунг е активен вулкан со чести ерупции кои прават огромна штета на околината и населението што живее во близина. Последната ерупција се случи во февруари, 2016-тата, кога лавата направи пустош насекаде. Никој не може да предвиди како ќе биде во иднина.

lha da Queimada Grande (Островот на змиите), Бразил

Овој остров се смета за едно од најопасните места во светот. Тука живеат отровни змии од видот bothrops, и тоа по пет змии на еден метар квадратен. Има многу приказни за смртоносни средби помеѓу луѓето и овие змии, па Бразилската влада го забрани пристапот на овој остров.

Национален парк Мадиди, Боливија

На прв поглед, ова место изгледа мирно, но не е така. Мадиди е живеалиште на едни од најопасните растенија на светот. Контактот со некое од нив предизвикува иритации и црвенила на кожата, а лесно може да дојде и до зарази.

Долината на смртта, Камчатка, Русија

Руската Долина на смртта е сместена во близина на познатата Долина на гејзерите. Тука се пронајдени високи концентрации на опасни гасови кои се опасни за живиот свет кој се наоѓа таму. Животните и растенијата брзо изумираат, а луѓето се чувствуваат лошо, им се врти и им се повраќа.

Бикини Атол, Маршалски Острови, Океанија

Длабоко во океанот, овој остров изгледа како рај, нели? Но, во Бикини Атол се правеле разни нуклеарни истражувања кои го претвориле островот во радиоактивна зона каде ништо не вирее. Огромната радијација овде може да предизвика многу здравствени проблеми, меѓу кои и рак.

Elephant Kingdom, Чонбури, Тајланд

Во ова место има фарма за крокодили каде сопственикот им нуди на туристите да ги видат и да ги хранат крокодилите. Туристите се сместени на мала платформа на вода, заградена со мрежа од каде на крокодилите им нудат риби или месо врзано за јадица. Звучи опасно, нели?

Афарски триаголник, Етиопија

Вулканот Ерта Але во регионот Афар во Етиопија е еден од најопасните региони во светот. Ова место постојано го тресат земјотреси кои ја разоруваат земјата и прават огромни дупки, а се резултат на двете езера со големи количества на лава.

Езерото Натрон, Танзанија

Оваа фотографија изгледа како живеалиште на вонземјани, но всушност е фотографија од езерото Натрон. Алкалните соли кои се наоѓаат на површината се опасни за сите живи организми во близина. Секако, пливањето во ова езеро е забрането, а лошата миризба што се шири поради концентрациите на хидроген сулфид и онака ќе ве спречи да го посетите езерото.

М. В. | Црнобело