Колмар - гратче „исечено“ од страниците на најубавите новогодишни бајки

Сме го споменале многу пати, но никогаш со вниманието коешто го заслужува.

Наречен уште и „Мала Венеција“ или Le Petite Venise, Колмар сместен во регионот Алзас во Франција е можеби најнеобичниот мал град во кој ќе стапнете.

Оние кои сакаат барем накратко да избегаат од бетонската џунгла и градската врева, кои уживаат во мир и тишина ќе доживеат љубов на прв поглед со Колмар.

Сместен во подножјето на планината Вогези на реката Лаух, којашто со канал е поврзана со Рајна, Колмар изобилува со канали, мостови и преубави мали плоштади поради кои и е наречен Мала Венеција.

Дрвените градби кријат многу продавници, кафетерии, ресторани и цркви, а средновековниот центар во градот датира од 9 век и е одлично сочуван, па токму поради тоа го привлекува окото на туристите и претставува една од водечките атракции.

Што да се каже за Колмар во зима, за време на новогодишните и божиќните празници? Ќе имате чувство како да не сте на истата планета на која живеете.

Ќе се загубите во блесокот на светилките и богато украсената архитектура. Колмар години наназад се наоѓа на врвот на најубаво украсени новогодишни дестинации, а има и зошто.

Кога сликите вредат илјадници зборови, а вие останувате без нив… погледнете ја магијата наречена Колмар:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

(О)Милена | Црнобело