8 европски градови кои вреди да ги разгледате и прошетате оваа година

Патувачките листи и дестинациите кои вреди да ги посетите во 2018-та се насекаде, а денес ви пренесуваме една од поурбаните. Се работи за градови кои треба да ги посетите барем на неколку дена.

Заради културата, богатата историја и вкусната храна, повеќе не треба да ја одложувате посетата на:

1. Белград, Србија

Белград е одличен за посета во доцна пролет или на почетокот на летото. Може да пиете кафе покрај Сава, да се релаксирате низ прекрасниот Калемегдан и да ја истражувате убавината на локалните кафулиња и продавнички.

2. Рига, Латвија

Рига е познат по своите сончеви плоштадчиња на кои може да ручате или испиете кафе, додека се воодушевувате на фантастичната околна архитектура.

3. Порто, Португалија

Иако сите зборуваат за Лисабон, Порто е помирната алтернатива за уживање. Цените се поприфатливи, а шармот на уличките, рестораните и колоритниот поглед ќе ве освојат на прв поглед.

4. Матера, Италија

Матера е прогласен како Европски центар на културата, заради богатата историја и уникатните градби кои ги има. Сега голем дел од пештерите се претворени во уникатни мини хотели, соби, ресторани, барови, продавнички...

5. Варшава, Полска

Варшава е одлична дестинација за оние кои сакаат хедонизам, имаат енергија за истражување и богат ноќен живот. За дневните прошетки има неколку музеи кои вреди да се посетат, додека вечерите се создадени за веселите пабови.

6. Виена, Австрија

Виена е земја на фантастични локални маркети, одлични кафулиња со вкусно кафе, добри ресторанчиња со сочна храна и сето тоа со поглед на големото панорамско тркало.

7. Хамбург, Германија

Хамбург е дом на интересен микс од архитектура. Никако не смее да го пропуштите Schanze делот кој е полн со ресторани, барови, кафулиња и улична уметност од креативните локалци.

8. Лозана, Швајцарија

Компактно швајцарско гратче со архитектура која не можете да ја игнорирате додека уживате во вкусната локална храна. Идеално за неколку дневни екскурзии исполнети со талкање по шармантните улички.

М. Д. | Црнобело