5 необични хостели низ Европа кои треба да ги посетите

 

Сите сакаме да патуваме, нели? Некој повеќе ужива во комфорот, некој сака буквално да се отцепи од сé што го врзува за претходниот живот и да се препушти на авантурите кои ги овозможува патувањето. 

Кога станува збор за преноќување, освен ако не сте некој хардкор патник, тогаш размислувате за евтина опција. Хотели не доаѓаат во предвид.

Понекогаш знаат да се толку здодевни, што од самата чистота и луксуз ништо не учиш. Другата опција е да се преноќи во хостели што за оние дружељубивите личности е вистинска предност.

Посебно ако се погодат слични карактери во иста просторија. Има илјадници хостели низ светот, но секој од нив не е толку интересен, затоа во продолжението од текстот следува листа на пет хостели од Европа кои имаат свој уникатен белег и заднинска приказна.

Clink78

Како ви звучи да преспиете во затворска ќелија од поранешна судница? И тоа во непосредна близина на King's Cross во Лондон.

Но токму тука се наоѓа и платформата 9 и ¾ од Хари Потер. Не грижете се, ако ви здодее Лондон тогаш лесно може да се префрлите во Хогвортс.

Home Lisbon Hostel

Оние кои сè уште се зависни од своите мајки, во овој хостел ќе најдете замена. Сопственичката, која сите ја познават како Мајка, шест дена во неделата готви вечера за гостите и им овозможува да се чувствуваат како дома.

Барем за оние кревките и носталгичните ова е вистински избор за тешење.

Villa Saint Exupery Gardens Hostel

Луксизот на Ница и благодатите на Азурниот брег се во толкав број што никој не би сакал да отседне само на неколку дена.

Овој хостел овозможува поглед на море и шеталиштето со многу туристи и еден куп мириси измешани во воздухот. Уште поинтересно е тоа што објектот на овој хостел е поранешен манастир. Интересно, зарем не?

Eastern Comfort Berlin Hostelboat

Берлин е еден од најзабавните градови за млади луѓе, воопшто не ме чуди што има секакви лудории и прилики кои се среќаваат само во германската престолнина.

Наместо да се преспие на копно, некоја ноќ може да се помине и на брод кој плови во река. Ако сакаш нови работи, тогаш ќе ги најдеш сигурно во дрвените кабини на овој брод.

Jumbo Stay

Е ова е навистина јако. Знаеме дека Стокхолм е скап за нашиот стандард, но помислата дека може да преноќите во хостел, поточно во Boeing 747 е неверојатно интересна можност.

Уште ако сте малку поднапиени, тогаш турбуленции ќе почувствувате и додека авионот е паркиран. Уживајте.

Автор: Евгениј Хоуп | Црнобело