5 шармантни италијански гратчиња во кои сакаме да се изгубиме летово

Пица, паста, џелато, предобро вино, уникатна архитектура и некоја особена магија во воздухот… треба ли да набројуваме уште причини зошто Италија треба да биде вашата прва и последна дестинација ова лето?

Лавиринти од калдрмисани улички, живи плоштади и зелени паркови, мирис на морска сол и неодоливиот вкус на Aperol Spritz. Ќе имате фотки за Инстаграм доволни за следните 6 месеци и спомени за цел живот.

Време е да направите листа и да си ја сфатите посетата на Италија мошне сериозно, а ова се нашите 5 предлози на мирни и шармантни гратчиња во кои вреди да се „изгубите“ ова лето:

Атрани

Зданија во пастелни бои како контраст на многуте шарени чадори и можност да се брцнете во водите на Тиренското Море – што би посакале повеќе од еден одмор?

Алберобело

Овој мал град кој е од заштита на УНЕСКО ќе направи да се почувствувате како да сонувате со отворени очи.

Кастелучо

Во областа Умбрија со само 150 жители и поглед кон Апенините, ова место е неверојатно на пролет, а зајдисонцето е глетка која нема да ја заборавите никогаш.

Чефалу

Овој град е совршен спој на прекрасни плажи и архитектура која датира од 12 век.

Полињано а Маре

Нарекуван уште и „Бисер на Јадранот“, овој прекрасен град нуди изобилство на ресторани, а бистрото тиркизно синило ќе ги задоволи сите љубители на спортовите на вода.

]]]

(О)Милена | Црнобело