4 трикови кои ќе ви помогнат да не паднете во замка на крадци на одмор

Туристите се лесен плен за крадците насекаде на светот, и тоа не само по улиците, туку и во собите каде се сместувате.

Според полициски статистики, само во Барселона во еден ден има повеќе од 6.000 кражби, па затоа е важно да бидете многу внимателни независно каде сте.

Прво правило кое треба да го запомните е дека не смее да паднете во замката на крадците и да се покажете како лесен плен.

Иако понекогаш е неизбежно, сепак може да се потрудите да не ви се случи нешто такво.

4 мали трикови кои ќе ви помогнат во тоа:

Одберете соодветен кат во хотелот

Според експертите за обезбедување, најдобро е да резервирате соба од 3-иот до 6-иот кат во хотелот.

Собите кои се сместени на подолните катови се поблиску до земја, од каде крадците лесно може да избегаат, па тие се најчесто мета.

Обрнувајте внимание на малите работи

Иако го знаете ова, сепак мора постојано да сте внимателни и да проверувате дали вратата од терасата е затворена, бидејќи од таму крадците најлесно влегуваат.

Истото важи и за прозорците, па не заборавајте пред излегување, независно дали ќе биде кратко или долго, секогаш да ги заклучите вратите од тераса и соба и да ги затворите прозорците.

„Надмудрете“ ги крадците

Секако дека тие влегуваат во соби кога се речиси сигурни дека во нив нема никој, бидејќи постојано набљудуваат пред да нападнат.

Па затоа, кога излегувате од соба, оставете го телевизорот вклучен, или пак ставете го однадвор на вратата знакот „не вознемирувај“.

Така тие ќе мислат дека има некој внатре и ќе ја прескокнат вашата соба.

Не ги користете сефовите во собите

Сефовите кои се сместени во собите не се многу безбедни, со оглед на тоа што ако направите ваша лозинка, а потоа внесете универзален код, сефот ќе се отвори.

Ова е смислено за доколку гостинот ја заборави лозинката, административците да можат да го отворат сефот.

М. М. | Црнобело