Форментера - шпански остров од кој нема да посакате да заминете никогаш

Можеби одамна го испланиравте летниот годишен одмор, а можеби сè уште сте во недоумици каде да ги поминете топлите сончеви денови. Доколку немате одговор на прашањето „каде на одмор“, го имаме вистинското решение за вас – скриено место на Медитеранот кое ќе ги го запре здивот.

Кога ќе се спомне Шпанија на памет ни паѓаат Барселона, Мадрид, Ибица, Мајорка и уште многу други дестинации кои генерално им се познати на сите.

Но, постои мал остров во регионот Кадис кој заслужено го носи епитетот најубав шпански остров.

Форментера е лоциран на само 13 km од Ибица, а најчесто го посетуваат сите оние кои се редовни гости на најпопуларниот остров во Шпанија.

Од Ибица до Форментера ве делат само 20 минути возење до брод. Островот е долг 20 km и најчесто го одбираат туристите кои сакаат да уживаат на бели, песочни плажи.

Водата е практично проѕирна, со кристална азурна боја, а она што ја одвојува Форментера од останатите острови е чистината и недопреноста на островот, бидејќи ретко се гради на него.

Владее идеална, сува, но топла клима, практично совршена за летен одмор. Меѓу најпознатите плажи се издвојуваат Playa de Illetes, Playa De S’alga, Playa de Migjorn, Beso Beach и Playa de Llevant. Овие плажи „вријат“ со многу клубови и бич барови скроени за забава.

Форментера е остров кој нуди мирно уживање, но и забава за паметење, во зависност од тоа што ќе одберете. Доколку сè уште не сте убедени, фотките кажуваат илјада зборови, нели?

(О)Милена | Црнобело