5 земји во кои доволни ви се само 25 евра дневно

Nomadic Matt е познат блогер кој ја напуштил својата канцелариска работа за да го пропатува светот. Денес тој има милиони следбеници со кои ги споделува неговите авантури, но и дава совети за поевтино, поедноставно и подобро патување.

Неодамна тој составил листа од држави каде додека престојувате, ќе трошите помалку од 25 евра на ден.

До некои држави патот може навистина да ве чини повеќе, но штом ќе стигнете таму, речиси и да нема да потрошите ништо.

Па доколку сакате поевтино патување, погледнете ја листата во продолжение:

Тајланд

Без разлика што Тајланд е популарна дестинација, тамошните цени останале релативно ниски. Доколку ги избегнете најпопуларните острови, без проблем можете да живеете со 2 до 4 евра на ден. 

За едноставна соба ќе ви бидат потребни од 5 до 8 евра, а можете да купите оброк за 4 евра.

Пијалаците се поскапи, но и во овој случај имате избор за околу 2 евра. За да заштедите повеќе, користете го јавниот превоз.

Бали

На јужниот дел од Бали ќе најдете поевтино сместување за разлика од другите држави и ноќевањето ќе ве чини околу 8 евра. Летовите се можеби долги и скапи, но штом ќе стигнете таму, ќе истрошите многу малку.

Локалните јадења се поевтини од 8 евра, а се нудат активности, како нуркање, за 6-7 евра. Доколку сакате уште поевтин одмор, посетете ја внатрешноста на државата.

Грција

Доколку го посетите Миконос надвор од сезона, можете да поминете навистина евтино. Можете да најмите скромна соба за околу 14 евра од ноќ.

Патувањето во септември е најдобро бидејќи морето уште е топло, а ноќите се малку постудени. Цената на гирото е околу 3 евра.

Централна Америка

Освен Белизе, Костарика и Панама, Централна Америка е релативно евтина и ќе ви бидат потребни околу 25 евра на ден. 

Во Ел Салвадор, Хондурас, Никарагва и Гватемала можете да најдете сместување за помалку од 10 евра, оброк за 5 евра и пиво за помалку од 1 евро.

Унгарија

Во Будимпешта имате многу за разгледување, но и многу забава. Можете да најдете хостел за помалку од 10 евра дневно, а приватното сместување е дупло поскапо.

Можете да најдете евтина варијанта за ручек од околу 2 евра. Дневната карта за јавен превоз е 5 евра и можете да ја користите 24 часа за трамвај, автобус или метро.

Спирова С. | Црнобело