Патувања со воз што вреди да ги искусите барем еднаш во животот

Речиси и да не постои личност која не сака да патува. Додека повеќето одбираат една дестинација на која најчесто пристигаат со авион, неколкудневните,па и еднодневните екскурзии со воз сосема поразлично искуство.

Со овие патувања не само што ќе посетите неколку дестинации одеднаш, туку и самото возење од едно до друго место ќе ви биде забавно.

Доколку сакате да пробате нешто ново, нема да погрешите со следниве патувања со воз:

Патување со Rocky Mountaineer од Ванкувер до Банф, Канада

Оваа линија ги поврзува канадските градови Ванкувер и Банф.

Возот Rocky Mountaineer е дизајниран на тој начин што им го овозможува на патниците најубавиот поглед.

По пат ќе можете да го видите кањонот Фрејзер, стрмните патчиња кои водат до реката Томпсон и дел од неверојатните снежни врвови на Карпестите Планини.

Glacier Express, Швајцарија

Ова патување ќе ви овозможи да уживате во швајцарските Алпи од удобноста на вашето седиште.

Возот минува низ бројни тунели и планини, но и многу селца со голема надморска височина. Ова е патување што ќе ги воодушеви сите кои ја обожаваат зимата.

TranzAlpine, Нов Зеланд

Ова патување се смета за едно од најживописните во светот и е одличен начин да ги погледнете јужните Алпи.

Патувањето трае околу 5 часа во еден правец и по пат ќе ја видите Кантербериската Низина, реката Ваимакарири, националниот парк Arthur’s Pass, па дури и суптропската прашува на западниот брег.

West Highland Line од Глазгов до Малег, Шкотска

Ако сакате да го видите западниот брег на Шкотска, ова патување со воз ви е најдобриот избор.

Читателите на списанието Wanderlust го прогласиле ова патување со воз како најубавото во светот.

Возот тргнува од Глазгов, а патувањето завршува кај малото рибарско пристаниште Малег.

И овојпат, најубавите пејзажи ќе ги видите во зима.

The Ghan, Австралија

Ова патување низ Австралија ви овозможува да ги впиете сите чуда што ги крие континентот.

Возот тргнува од северниот дел на континентот и оди сè до јужниот крај. Патувањето трае околу 4 дена и е сè што ви е потребно за да ја искусите Австралија.

Продолжува на следната страница...