Патувања со воз што вреди да ги искусите барем еднаш во животот

Транссибирска железница, Русија

Ова едно од најдолгите патувања со воз и ви овозможува да ја видите целата Русија – од Москва, па сè до Владивосток.

На патувањето од 8 дена ќе имате можност да го видите и Бајкалското Езеро, но и да ја поминете реката Об, преку мост долг 983 метри.

Железницата Flam, Норвешка

Ова патување е всушност една од најпопуларните атракции во Норвешка.

Возот тргнува од селото Флам, а патувањето завршува во градот Мирдал.

По пат ќе ги видите многуте низини, речни долини и планински врвови и сигурно ќе останете без зборови.

Железницата Namibia Safari Rovos, Јужна Африка

Патувањето од 3.200 километри ќе ве однесе низ Кимберли, градот во кој некогаш се собирале дијаманти.

Ќе имате можност да ја видите јужноафриканската покраина Западен Кејп, кањонот Fish River и пустините Калахари и Намиб.

Патувањето завршува во градот Свакопмунд во Намибија.

Belmond Hiram Bingham, Перу

Луксузното патување со овој воз во Перу започнува во главниот град Куско. По пат ќе ја видите Светата долина долж реката Урубамба, но и светиот град на Инките сместен во источните Анди во Пери – Мачу Пикчу.

Ова е патување што не смеете да го испуштите.

Golden Eagle Danube Express, Средна Европа и Трансилванија

Ова патување е полесно да се реализира и трае 14 дена. Овој период ќе посетите 8 држави, вклучувајќи ги Турција, Чешка, Унгарија, Словачка, Австрија и Полска.

Притоа, ќе имате можност да застанете во некои од најубавите градови во овие држави.

Железницата Durango & Silverton Narrow Gauge, Колорадо, САД

Ако сте љубител на историјата, ова патување е како создадено за вас.

Возот потекнува уште од далечната 1882-ра, а по пат ќе уживате во погледот на реката Анимас. Се разбира, ќе ја видите и неверојатната природа и кањоните кои се поубави од каде било во светот.

Спирова С. | Црнобело