Првите лежалки одвоени со плексиглас во Грција – Како ќе изгледа одморот на Санторини?

Стана јасно дека пандемијата многу ќе го промени патувањето. Всушност, веќе многу компании ги понудија нивните решенија за летување на дистанца, па имавме можност да видиме иглу за на плажа и разни дизајни на стаклени и пластични прегради.

Многумина ги интересира како изгледа летувањето во Грција, а изгледа дека некои од грчките плажи веќе почнале со подготовките.

Плажата Demilmar на Санторини е првата во Грција на која се поставени прегради од плексиглас помеѓу лежалките.

Сопственикот на плажата сакал да им овозможи на луѓето летово да одат на плажа, без да стравуваат за нивната безбедност.

„Мораме да најдеме решение да ги заштитиме луѓето ова лето. Не можеме само да чекаме препораки, мораме да делуваме сега“, изјавил сопственикот.

Тој вели дека покрај преградите, со секоја лежалка ќе има и антисептик, а сите вработени на плажата ќе носат маски и ракавици.

Иако не се знае до кога нема да бидеме во можност да патуваме, некои држави, како Грција, веќе се обидуваат да најдат решение и да го подобрат туризмот во овие тешки периоди.

Спирова С. | Црнобело