Отпад зад Таџ Махал – Популарните туристички атракции фотографирани од друг агол

Можеби веќе ви здодеа да гледате фотографии од Таџ Махал, пирамидите во Гиза и римскиот Колосеум, особено кога не сте во можност да ги видите во живо.

Но, сте виделе ли како изгледаат отстрана?

Ретко кој ќе се сети да фотографира некоја знаменитост од задната страна, најмногу бидејќи таа ја крие грдата реалност.

Всушност, ќе се разочарате кога ќе видите колку ѓубре има во близина на Таџ Махал и колку е негламурозен холивудскиот знак кога го гледате од друга перспектива.

Па, погледнете ги најпознатите туристички атракции, но овојпат од друга перспектива:

Таџ Махал

Како што напоменавме, Таџ Махал има проблем со многу отпад.

Реката Јамуна, која тече веднаш зад зданието, е премногу загадена. А, отпадот на површината не е единствениот проблем – водата крие толку многу токсични хемикалии, што Јамуна се смета за една од најзагадените реки во Индија.

Истовремено, индустрискиот чад е причина за пожолтување на најголемиот симбол на љубовта.

Пирамидите во Гиза

Пирамидите во Гиза се наречени и светско чудо од древниот свет. Сите сме виделе безброј фотографии направени одблиску, па ако не сте ги посетиле, ќе се изненадите кога ќе сфатите колку се блиску до градот.

Петра

И Петра изгледа малку поразлично, ако не и помагично, кога ја гледате отстрана.

Знаевте ли дека градбата има уште еден влез, кој води до просторијата позната како Ad Deir? Кога ќе имате можност да ја посетите, не заборавајте да прашате за тура низ овој влез.

Потсетете се на авантурата на Евгениј Хоуп - Посета на изгубениот град Петра - едно од седумте светски чуда

Холивудскиот знак

Најпрво холивудскиот знак гласел Hollywoodland, но во 1940-тите последните четири букви биле тргнати.

Областа околу знакот е заштитено земјиште, кое некогаш му припаѓало на Хауард Хју, кој планирал овде да изгради вила.

Продолжува на следната страница...