Најдобро чуваната „швајцарска тајна“ - Гимелвалд, селцето до кое се стигнува само со жичарница

Недопрена природа и спектакуларни пејзажи, мир и тишина, но и одлично швајцарско сирење – Гимелвалд е мало селце на Алпите кое е вистинско скриено богатство на Швајцарија. 

Сместено е на 1367m надморска височина, над долината Лаутербрунен, помеѓу планините Шилторн и Јунгфрау.

До селцето нема пат и не може да стигнете со автомобил - единствена опција е жичарницата од Шилторн.

Во селото живеат 130 постојани жители. Тие се научени на поинакво темпо на живот од градското – се заниимаваат со сточарство и туризам, а во секој дом можете да купите сирење кое е подготвено од домашно млеко.

Старите жители велат дека во селото има повеќе крави од поштенски сандачиња.

Гимелвалд честопати се нарекува „најдобро чувана тајна во Швајцарија“. Ова е едно од ретките преостанати места во оваа земја во која се живее без стрес.

Во селцето има неколку мали хотели и еден хостел. Туристите секогаш се пријатно воодушевени од природата и од љубезноста на луѓето во ова место.

Нам ни асоцира на пејзажите од амбалажата на Милка чоколадите.

Само за најхрабрите, постои челичен мост кој го поврзува Гимелвалд со соседното село Мурен.

Зеленило, крави, совршено чист воздух, пријатна клима – што повеќе ви е потребно?

Е. П. | Црнобело