„Бев на одмор во Дерми, Албанија – зошто топло го препорачувам?“

Навечер по плажите има низа локали во кои можете да испиете пијалак покрај некое од огинчињата, кои постојано ги ложат. Атмосферата е романтична и незаборавна.

Секоја ноќ има и кино на отворено на плажите, каде може да си лежите на кревет како дома.

Има и модерни локали со базени, лајт шоуа и малку повисоки цени и диџеи, но сега нема луди забави како изминатите години затоа што е забрането од властите поради пандемијата.

Задолжително треба да се посети и плажата на ресортот Nazar by Green Coast, која е на 7 километри од Дерми. Огромна е, со најтиркизно море и одлично средени барови.

За авантуристите задолжителна дестинација е плажата Gjipe до која ви се потребни половина час пешачење по карпест пат, задолжително патики, или може да стигнете со бродче до неа. Исто така, има и превоз од локалците со џип.  Нема лежалки, треба да си носите чадори. Има пештери и многу кампери.

Во Дерми мора да најдете сместување ниско долу покрај брегот, во спротивно напорно е за симнување и ќе мора да одите на плажа со автомобил.

Но, местото дефинтивно нуди сѐ што ви е потребно за совршен летен одмор. Ќе се чувствувате како да сте на некој грчки остров. Топло го препорачувам.“

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело