За љубителите на мексиканскиот пијалак – ноќевање во буре за текила среде поле со агаве (фото)

Ако сте се запрашале како изгледа спиењето во буре за текила, хотелот Matices Hotel de Barricas ви го нуди токму тоа.

Еден хотел во Мексико е одлично место за љубителите на популарниот мексикански пијалак. Хотелот не само што е сместен во близина на дестилерија, туку и секоја соба е направена во форма на огромно буре. Хотелот се наоѓа веднаш до мексиканскиот град Текила, а собите, односно бурињата се поставени среде полиња со агаве – растението што се користи за правење текила.

Покрај уникатните соби и неверојатниот пејзаж, овде можете да уживате и во подземната таверна, но и да го користите џакузито кое е сместено во полето со агаве растенија. Се разбира, за најголемите љубители на пијалакот, хотелот нуди и дегустирање на текила.

Хотелот има опремено 30 буриња, односно соби, во кој можат да се сместат 2-4 луѓе. Цените за ноќевање се од 150 до 184 долари.

Како изгледа ова сместување:

• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело