Дали е ова најубавата „канцеларија“ на светот - Аруба, плажа, тиркизно море, сонце...?

Ако нешто научивме во 2020-та година, тоа е дека навистина можеме да фукнционираме, да бидеме креативни и продуктивни во работата и кога не сме на работното место.

Голем дел од нас сè уште работат од дома или си наоѓаат мирно катче од каде работењето е вистинско задоволство.

Ајде за момент да ве одведеме на идеалната локација за работа.

Замислете – плажа, сонце, тиркизна вода, мир и тишина, Аруба. Хотелот Boardwalk Boutique Hotel им обезбедува на своите гости надворешен или внатрешен простор каде ќе може да си ја постават својата „канцеларија“.

„Нашите гости честопати бараа услови за извршување на нивните работни обврски, па затоа креиравме ваква опција – на располагање имаме лаптопи и десктоп компјутери, тастатура, маус и работни маси во наш стил“.

Хотелот се погрижил и за побрза и непречена WiFi конекција која на Аруба не е баш секогаш во најдобро издание.

Имате опција да работите од вашиот бунгалов или буквално покрај океанот или во областа кај базенот.

Единствено што се бара од вас, е да користите слушалки за време на конференциските повици.

Цените за престој во хотелот не се баш пристапни, но се очекувани за она што се добива - почнуваат од 250 долари ноќевање, па зависат од периодот и должината на престојот.

Кој не би посакал ваква можност?

Е. П. | Црнобело / фото: Boardwalk Boutique Hotel