Уникатна црквичка во Грција во стебло од даб: Внатре може да влезат само двајца

Во грчкото село Agia Varvara, на 22km од Коница во Епир, северозападна Грција, еден локален селанец решил да го искористи 300 години старото дабово дрво (кое било во опасност да падне) и да го пренамени во мала црквичка.

Реставрацијата на стеблото била направена во 2019 година и се состоела првенствено од стабилизирање на истото со локални камења.

Висината е 2m и 10cm, а истата е наречена Св.Песиос по светецот од планината Атос (на грчки: Ὅσιος Παΐσιος ὁ Ἁγιορείτης). Светецот бил роден во 1924 година во Кападокија, денешна Турција. Неговото семејство било преселено во Коница каде што тој пораснал и се школувал за столар.

На свои 16 години заминува да се замонаши на Атос, но бидејќи семејството имало потреба од помош, се вратил назад во селото. Монах станува дури во 1956 година.

Црквата во дрво има дури и ѕвоно за камбана, а внатре има простор само за двајца.

Е. П. | Црнобело / фото извор