„Живеам во Нов Зеланд 10 години - ме нервира влажноста, но вљубен сум во природата“

Денис Власин уште како дете сонувал да се пресели во Нов Зеланд и сега го живее својот сон. Тој открива детали од животот таму...

Денис Власин од Русија уште во средно училиште знаел дека еден ден сака да се пресели и да живее во Нов Зеланд. Тој со години читал за оваа земја и штедел пари за да го оствари својот план.

Во 2011 година Денис конечно се преселил во својата земја од соништата.

Тој споделува зошто ја обожава оваа земја, но и кои ѝ се мааните:

Прва и основна причина зошто ја обожавам земјата е неверојатната природа. Велат „Постојат многу убави земји на светот, но Нов Зеланд е како колекција од најубавите музички хитови“ и дефинитивно се согласувам со тоа.

Стандардот на живот е висок, луѓето се толерантни и пријателски настроени, чистотата е на највисоко можно ниво и сè е креирано во духот на удобноста на жителите.

Мана е големата влажност на воздухот, па на облеката ѝ е потребно подолго време да се исуши, а во некои куќи има проблем со молци. Цените се доста високи, има многу земјотреси и кога пливате во морето и океанот мора да внимавате на струите.

Нов Зеланд е совршена земја за релаксирани, семејни луѓе и на кои природата им е поважна од забавите.

Впечатокот за земјата исто така многу зависи од тоа во каков дом живеете. Ако живеете во некоја студена зграда со слаба вентилација, тогаш локалната студена зима ќе ја доживеете лошо.

Уште 5 факти за Нов Зеланд на следната страна...