Љубаништа – природна убавина каде што залезот на сонцето се „стопува“ во езерските бранови (фото)

Не сте летувале во автокамп во Македонија доколку не сте биле во кампот во Љубаништа „на времето“. Кампот за жал го нагриза забот на времето, па полека почна да пропаѓа и да се руинира. Останаа само убавите спомени од едни далечни, едноставни и безгрижни времиња.

Но, добрите вести се дека плажата полека се средува, а и за кампот постои надеж дека ќе го врати некогашниот стар сјај. Па така, сите вљубеници во кампувањето ќе можат да ѝ се вратат на најубавата плажа на Охридското Езеро, онаа во славното Љубаништа.

Пејзажот е раскошен, од едната страна се издигнува планината, бујна и зелена. Додека пливате и погледот ви е свртен натаму, практично медитирате, совршен зен момент кој на сите ни е повеќе од потребен во стресното секојдневие.

Од другата пак, бистра вода до недоглед. И најубавиот залез на сонцето, каде што блескавиот жолт круг полн живот се стопува со езерските бранови додека целосно не исчезне.

Каква божествена убавина! Љубаништа, навистина си прекрасно.

Трпејца си е Трпејца, ама и Љубаништа е рај:

(О)Милена | Црнобело