Гратче во Калифорнија каде што штиклите се забранети, а на кучињата сè им е дозволено (фото)

„Кармел на море“ (анг. Carmel-by-the-Sea) се смета за еден од најпрекрасните градови во Америка.

Опкружен е со море и чемпреси кои оставаат неверојатен впечаток кај секој посетител и едноставно е невозможно да се остане рамнодушен на оваа глетка.

Жителите имаат посебна стратегија и правила со цел духот на градот да не се компромитира на никаков можен начин. Кармел на море се наоѓа на централниот брег на Калифорнија и зафаќа површина од 2.745 km².

За да се избегне масовна урбанизација и градот да остане мал, жителите на Кармел на море донеле неколку неконвенционални закони.

Во овој град има ограничување на уличното осветлување, нема високи згради и нема означени бројки на куќите. Со цел полесно да се движат во текот на ноќта, жителите носат батериски ламби со себе.

Чемпресите ја диктираат модата

Градоначалниците одбивале да ги исечат големите чемпреси што ги опкружуваат улиците на Кармел, иако корените ги подигнале тротоарите. Нерамните патеки станале пречка за стилски облечените жени.

За да избегнат судски спорови со оние кои лесно можат да паднат и да се повредат додека одат на високи потпетици, Кармел е единствениот град во САД каде што штиклите се забранети.

Град на кучиња

Кармел е една од ретките општини во САД каде што кучињата се добредојдени насекаде. Дозволено им е да трчаат на плажа, а повеќето локални компании оставаат бисквити за кучиња пред влезовите.

Прекрасна архитектура

Кармел на море е град кој има неверојатна архитектура. Доминира шпанскиот стил, па затоа е невозможно да се остане рамнодушен на неверојатната глетка.

Булевар на зајдисонцето

Кога ќе дојде самрак, пријателите се собираат најчесто на плажата, со цел да уживаат во шоуто со светла кои се протегаат над Пацификот.

За жителите на Кармел кои немаат уметнички талент, овие зајдисонца се начин да бидат дел од долгогодишната уметничка репутација што ја има овој град.

(О)Милена | Црнобело