Мирно грчко летувалиште, со широка плажа и тиркизно Јонско Море – Врахос е совршено бегство од гужви

Ако барате тивко и мирно место, далеку од гужви и галама, но со широка песочна плажа, кристално чисто и тиркизно море, магично зајдисонце, како и пристапни цени за разлика од популарните летувалишта – Врахос на Јонскиот брег, во близина на Парга, е идеален избор.

Парга, Превеза, Лефкада се едни од најпопуларните и најпосетувани летувалишта кои излегуваат на Јонско Море во Грција.

Но, за оние кои сакаат да ја посетат оваа страна и да уживаат на плажите на Јонското крајбрежје, има неколку помали и помирни места, кои уште не се толку „извикани“.

Едно од нив е Врахос, мало и мирно место, кое во последниве години е вистинско откритие кај голем број наши туристи.

фото: принтскрин Јутјуб

Се наоѓа во областа Епир, сместено помеѓу Превеза и Парга, нема нападна урбанизација, иако од година во година добива по некој нов објект.

Она по што е најпрепознатливо ова место, е долгата и широка, пространа плажа со ситен песок, на која има доволно простор и за лежалки, но и за сами да си поставите чадор, а без притоа да се почувствува гужва.

@holidaysgreece.gr

Η παραλία Βράχου στην Πρέβεζα είναι ένας μικρός επίγειος παράδεισος στο Ιόνιο. Μεγάλη σε έκταση, με ψιλή, χρυσαφένια άμμο και πεντακάθαρα, γαλαζοπράσινα νερά, προσφέρει την ιδανική απόδραση για όσους αναζητούν ξεκούραση και φυσική ομορφιά. Η παραλία είναι οργανωμένη, με beach bars, ξαπλώστρες και θαλάσσια σπορ, ενώ η πρόσβαση είναι εύκολη και άνετη. Ιδανική για οικογένειες αλλά και για ζευγάρια ή παρέες. #vrachosbeach #vrachos #preveza #preveza_greece #ioniansea #summer #summervibes #summertime #beach #beachlife #holidaysgreece #holidays #greece

♬ Heaven Is A Place On Earth (Promo 7" Edit) - Belinda Carlisle

Покрај морето има долго шеталиште од неколку километри, а речиси сите сместувачки капацитети и таверни се во прв ред, па секогаш ќе бидете блиску до плажа, каде и да се сместите.

Плус, погледот кон зајдисонцето е магичен. 

@vaggelispappas97

📍Βράχος, Πρέβεζα ⛱️ #preveza #epirusgreece #vrachosbeachpreveza #summertimesadness #summer2024 #beachlife #greece #tiktoknews

♬ Ocean - Ali Bakgor & Kallay Saunders

Многу задоволни туристи велат дека доколку сакате мирен одмор сами или со деца, со чиста вода, без гужви и со звук на природата, Врахос е идеален, со попристапни цени за разлика од популарните места во околината.

Доколку пак ви здосади, секогаш може да прошетате до Парга, Превеза или Лефкада со автомобил или организиран превоз, но и до островите Паксос и Антипаксос со тура со брод.

Според GrckaInfo, цените во Врахос за 2026-та се следниве (секако подлежат на промени):

• Лежалки генерално се добиваат бесплатно со нарачан пијалак во износ над 5 евра
• Гиро околу 4.5 евра
• Сок околу 3 евра
• Кафе околу 2.5 евра
• Пиво околу 4 евра
• Вечера во таверна за двајца со риба и вино околу 25-35 евра

Повеќе фотки:

М. М. | Црнобело