Од 200 до 1.500 евра за ноќевање: Луксузни ресорти на Халкидики често посетувани и од Македонците

На втор крак:

1. Danai Beach Resort & Villas, Никити

Веројатно еден од најскапите ресорти на Халкидики - со 3 ресторани во кои храната ја подготвуваат врвни готвачи, сопствена винарија и бар. Приватна плажа во прекрасен залив, соби со приватни базени, тениски терен, теретана...

2. Anthemus Sea Beach Hotel & Spa, Елиа

Прекрасна песочна плажа во залив, 3 базени и два ресторани. Идеален за парови и семејства со деца бидејќи нуди и анимација за најмалите.

3. Ammoa Luxury Hotel & Spa, Никити

Отворен во мај годинава (2022), новиот луксузен ресорт на Халкидики, нуди врвен дизајн, 3 ресторани, спа и фитнес центар, прекрасна плажа и соби со приватен базен.

4. Ekies All Senses Resort, Вурвуру

Еден од најуникатните ресорти на вториот крак во заливот Вурвуру, со приватна плажа и бел прекрасен песок. Бар, ресторан и спа, дизајнерски соби во бохо стил, природни сенки - идеален за релаксација и вистинско уживање. 

5. Antigoni Beach Resort, Ормос Панагиас

Сместен на плажата Трани Амудиа, овој фамилијарен грчки ресорт нуди соби и бунгалови со поглед на море, спа и фитнес центар, базен. 

6. Порто Карас Мелитон, Неос Мармарас

Во моментов работи само еден од хотелите во Порто Карас, Мелитон. Опкружен со борова шума, природни сенки, чиста плажа, базени за деца и возрасни, сопствена винарија, можност за јавање коњи.

Идеален за прошетки во марината, буквално нема потреба да одите никаде, овде имате се.

На трет крак, Атос:

1. Eagles Palace, Уранополи

Елегантно сместување, плажа со златен песок и кристално чисто мирно море, 6 ресторани и 5 барови. 

Е. П. | Црнобело