„Бев на еден ден во Валенсија - за 2 евра уживав во најубавиот поглед на градот, а не можев да се наситам од паеља“

Кармен е населба во која живеат приближно 500 мачки, па во нивна чест била создадена една мала куќичка за мачки. 

Разгледајте го музејот на ликовни уметности (Museo de Bellas Artes)

Од другата страна на истата улица со куќичката за мачки се наоѓа музејот на ликовни уметности каде што влезот е бесплатен.

Ќе можете да видите дела од Веласкез, Гоја или Сорола, меѓу други извонредни уметници на шпанското сликарство, како и готското, италијанското и фламанското сликарство.

Прошетка низ градината Турија (Jardín del Turia) до Градот на уметностите и науките (Ciudad de las Artes y les Ciencias)

Додека шетате низ градината, ќе го здогледате Градот на уметностите и науките кој привлекува внимание веднаш штом ќе му пријдете поради неверојатната архитектура на Сантијаго Калатрава и Феликс Кандела во која доминираат белите и сините нијанси.

Овде можете да ги посетите и музеите, а посетата би траела од 3 до 4 часа во зависност од вашиот интерес и мотивација. Има три музеи: Музеј на хемисферата, Музеј на науката и Океанографски музеј, а цените варираат во зависност од музејот (од 8 до 33 евра).

Најдобро би било да ги купите билетите онлајн за да избегнете редици и непотребно чекање. 

Завршете го денот со тапас и пиво или традиционален коктел Agua de Valencia

Завршете го денот со одлични тапас и пиво, а можете сами да одберете во кој бар или ресторан сакате да седнете бидејќи изборот е голем!

Ако сакате коктели, пробајте го и традиционалниот коктел Аgua de Valencia кој содржи сок од портокал, џин, водка и шампањско. Секако, не морате да чекате до вечер за да пробате различни видови тапас или пијалаци. Уживајте во вкусовите преку целиот ден!

©CRNOBELO.com Забрането преземање и копирање. Крадењето на авторски текстови е казниво со закон.

M. Г. | Црнобело