Скопелос изобилува со природни убавини, познат е по филмот Мама Миа – како да стигнете дотаму и кои плажи да ги посетите?
Познат по својата природна убавина, со планински падини облечени во борови шуми што се издигнуваат од плажите со камчиња и тиркизна вода… За кој прекрасен остров зборуваме?
Тоа е Скопелос. Во Скопелос нема недостиг од работи што треба да се прават. Има различни активности како пливање, планинарење, посета на манастири и истражување на тесните калдрмани улици на градовите Скопелос и Глоса.
24 острови го сочинуваат архипелагот Споради, но само Скијатос, Скопелос и Алонисос се населени и туристичката сезона овде е кратка, од мај до септември.
Меѓународниот аеродром на соседниот Скијатос придонесува за неговата жива репутација, додека Скопелос е помирен и совршен за оние кои сакаат да се релаксираат во природа.
Како да стигнете до Скопелос од Солун?
Најлесно е да отидете до Солун со автомобил или автобус и од таму да тргнете кон Скопелос. Бродовите помеѓу Солун и Скопелос работат во текот на летото 4 пати во неделата. Најдобро е да проверите на Ferryhopper за повеќе информации и билети.
Солун - Скопелос
Поаѓање: Околу 07:00 часот
Просечно времетраење: 3ч 40м
Опсег на цени: 40,30 € - 115,20 €
Скопелос - Солун
Враќање: 17:30 или 17:45 часот
Просечно времетраење: 3ч 55м
Опсег на цени: 40,30 € - 115,20 €
Скопелос - островот на мјузикалот „Мама Миа“
Скопелос доби слава низ Европа кога филмската екипа од мјузикалот „Мама Миа“ пристигна во 2007 година да го снима хит филмот. Оттогаш, Скопелос е познат како „Островот Мама Миа“.
Во баровите и рестораните, можете да забележите многу фотографиите од членовите на актерската екипа кои вечераат за време на нивното снимање, а ако ги прашате локалните жители за филмот, ќе слушнете и многу приказни за актерите кои уживале во многу чаши узо.
Одлични плажи кои можете да ги посетите:
Stafilos
Стафилос, на јужната страна на Скопелос, е меѓу најпопуларните и најживописните плажи на островот која е опкружена со високи карпи.
Panormos
Панормос има песочен брег, топла вода и дава одличен поглед на зајдисонцето.
Agnontas
Ова е плажа со многу камчиња која е опкружена со живописен зелен амбиент.
Milia Beach
Ова е убава плажа со бели камчиња и кристална вода. Дел од оваа плажа е организиран со лежалки и чадори.
https://www.instagram.com/p/CfRbmUKOqWc/
Elios
Елиос е прекрасно туристичко одморалиште опкружено со густа борова шума.
M. Г. | Црнобело
Би можело да ве интересира:
Препорачуваме
Најчитани неделава
