„Бев на одмор во Тунис, од Скопје летот е 2.5 часа – зошто оваа дестинација топло ја препорачувам?“

Но, турата која не се заборава до крајот на животот е онаа во пустината Сахара. И тука мора да го споменам нашиот љубезен водич од Србија Срѓан кој на вистински начин ни го долови животот во пустината и ни ги претстави специјалитетите во берберските села, но и секојдневните грижи и радости на берберите.

Многу подобро ќе ја доживеете Сахара, отколку во Египет, затоа што в склоп на Тунис е многу поголем дел, па се навлегува многу длабоко во пустината.

Одблиску ги видов берберските села, голем дел и напуштени, и во мене се разбуди двоумење како живеат во такви сурови услови. Па, тука беа насмеаните бедуини, јавањето камили цел час на зајдисонце, возењето квад, па адреналинското возење со џипови по дините, придружено со туниски хитови.

Сите зборуваат одлично француски, затоа што Тунис била некогашна француска колонија, но и со англиски јазик ќе можете да се разберете.

Една ноќ спиевме и во хотел среде Сахара, каде ноќното капење под ѕвезденото сахарско небо беше токму тоа што ни беше потребно, пред вториот пустински ден каде посетивме и вистинска оаза среде пустина со извор на слатка вода, но и местата каде се снимале сцени од филмовите „Star Wars“ и „The English Patient“.

Ќе го видите и огромното солено езеро Чот ел Џерид, а за помалку од едно евро ќе имате можност да храните со млеко бебе камила или да ја држите во рака уникатната и преслатка пустинска лисица, која расте само до околу 40 сантиметри.

На плажите во Тунис има низа водени спортови, а секаде ја имате и опцијата за парасејлинг за околу 30 евра од човек.

Негативна страна е што на страна од ресортите, особено на патиштата кои поврзуваат гратчиња и села има многу отпад од страна, а ретко се случувало на некои од плажите во поголемите места морето само да исфрли некое пластично шише од несовесни граѓани. За среќа, кај нас немаше ништо такво и морето беше совршено за капење.

При изборот на ресорт детално читајте коментари како на booking, така и на српските форуми за патувања, каде српските туристи до детали ги доловуваат своите искуства од патувањата.

Тунис е едно уникатно доживување со експлозија од бои, од историја, од позитивна енергија и од пространи плажи и претопло море. Дефинитивно одлична дестинација за летен одмор!

Повеќе фотографии од Тунис:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело