Не сака да се дружи со деца, бега од врева - Дали и вие имате високо сензитивно дете?

Како да препознаете дали вашето дете е високо сензитивно?

Обрнете внимание на следните 23 тврдења и обидете се да си одговорите искрено дали е така.

Моето дете:

1. Често бега и сака да седи само;

2. Се жали дека го боцка или го гребе облеката, му пречи ластикот на чорапите или етикетите;

3. Обично не сака големи изненадувања;

4. На казните реагира бурно;

5. Понекогаш ми се чини дека „ми ги чита мислите“;

6. Знае да каже нешто што ја надминува неговата возраст;

7. Лесно ги регистрира необичните мириси;

8. Има зрела смисла за хумор;

9. Очигледно е мошне интуитивно;

10. Тешко заспива ако имало возбудлив ден;

11. Тешко ги поднесува сите големи промени;

12. Веднаш бара да го пресоблечете ако облеката е влажна или извалкана;

13. Често поставува прашања;

14. Наликува на мал перфекционист;

15. Веднаш забележува дека луѓето околу него се нерасположени;

16. Повеќе сака „мирни“ игри;

17. Поставува мошне зрели, а понекогаш и провокативни прашања;

18. Многу е чувствително на болка;

19. Не сака бучни места;

20. Добро ги воочува ситниците/ деталите (промените на сликите на ѕидот и промените кај некоја личност);

21. Размислува за својата безбедност пред да се качи некаде;

22. Се покажува во најдобро светло кога во близина нема непознати луѓе;

23. Многу е чувствително.

Ако на повеќе од 13 тврдења климнавте со глава, тогаш вие најверојатно имате високо сензитивно дете.

Ваша задача како родители е во него да не го препознавате само оној дел којшто е срамежлив, повлечен и пречувствителен, туку да ги цените и неговата креативност, емпатичност, интуиција, мудрост и да му обезбедите простор и средина во коишто ќе може да се развива.

Запомнете тоа не е медицинска дијагноза и не бара третман, но потребно е да се воспитува на правилен начин и да му ја дадете неопходната поддршка за да прерасне во автентична, исполнета и задоволна личност.

Доколку се сомневате дека вашето дете е високо сензитивно и не сте сигурни како треба да се однесувате со него, задолжително побарајте помош од стручно лице или детски психолог.

Б. С. Б. | Црнобело