Дуња, Мартин, Гаја - 13 најубави имиња за девојчиња и момчиња родени во есен

Ако со нетрпение го очекувате вашето бебе, но сè уште не сте одлучиле какво име да ѝ/му дадете, дозволете есента да ви биде инспирација.

Ако чекате „есенско бебе“, а и понатаму не можете да се решите за името што би му го дале, ова се неколку убави и необични машки и женски имиња, а се на некој начин поврзани со ова годишно време.

Некои можеби ги знаете, а други ќе ги чуете првпат, но, можеби некое од нив ќе ве инспирира при изборот на име за вашето дете.

Ова се неколку машки и женски имиња со симболика поврзана со есента:

Дуња - име кое дефинитивно потсетува на есен. Дури и кога ќе го кажете на глас, помислувате на мирисот на дуњата, кој асоцира на ова годишно време.

Далија - име кое потекнува од истоимениот цвет, а која во некои краеви е позната и како кралица на есенските цвеќиња.

Амаја - јапонско име кое значи „ноќен дожд“.

Алма - име кое е необично за нашите простори, но е уникатно, а значи јаболко на унгарски и турски јазик.

Гроздана - старословенско име кое ги слави виното и лозјата.

Димитар - машка верзија на Димитра, име кое потекнува од грчката митологија (Деметра била божица на жетвата).

Денис - потекнува од Дионис, синот на Зевс и грчкиот бог на грозјето и виното.

Адам - ​​буквалниот превод на името од хебрејски е „црвена земја“, а во Библијата, Адам е првиот човек на земјата, Бог го создал од земја.

Ѓорѓи - Варијанта на грчкото име Георгиос, што значи „земјоделец“.

Јасен - старословенско име, кое означува вид на дрво. Старите Словени ги почитувале дрвјата првенствено затоа што верувале дека во нив живеат душите на предците и дека тие ги заштитуваат.

Горан - машко име кое било многу популарно во 1970-тите години, а е симбол на бескрајност и сила и означува некој што живее во планините, во шумата (а шумата е најубава на есен).

Гаја - женско име од грчкиот збор што означува Земја.

Мартин - име со латинско потекло, Мартинус, а е поврзано со свети Мартин, чиј ден се слави во ноември.

А. Ј. | Црнобело / фото: Freepik.com