Смешни, тажни и емотивни работи за кои никој не ве подготвува кога ќе добиете дете, според родители

„Никој не ми кажа дека со сопругот постојано ќе бидеме болни! Ќерка ни преку една недела ни носи некаква настинка“.

На сите ни е јасно дека грижата за дете е далеку од лесна.

Секој кој сака да стане родител треба да биде свесен дека ќе треба да жртвува многу – време за себе, излегувања, трошење повеќе пари за себе…

Оние кои планираат да го прошират семејството секако дека разговараат со други родители за тоа што можат да го очекуваат.

Но, постојат и работи за кои никој не ги подготвува. Некои работи се само смешни, некои емотивни, но има и посериозни проблеми кои секако треба да се дискутираат.

На BuzzFeed, неколку родители споделуваат кои се работите што воопшто не ги очекувале.

Дел од нивните одговори во продолжение:

„Никој не ми кажа дека со сопругот постојано ќе бидеме болни! Ќерка ни преку една недела ни носи некаква настинка“.

„Реткост е да останете сами дома. Јас обично имам околу 20 минути откако ќе си дојдам од работа, пред да си дојде син ми од училиште. Потоа си доаѓа сопругот и го зема од градинка помалото дете.

Навистина ги ценам тие 20 минути и некогаш само си седам во тишина“.

„Убаво е, но и тажно кога го гледате вашето дете како станува своја личност. Среќна сум што го гледам дека се претвора во прекрасна личност, но од друга страна сум тажна бидејќи веќе не сум му толку потребна“.

„Постојано има нешто за бришење – нечие лице, нечии раце, нечиј задник, маси, ѕидови, сè. Не изгледа како многу, но кога ќе сфатите дека денес осумпати сте ја избришале истата маса, ќе се појави гнев“.

„Ќе видите потполно друга страна од вашиот партнер и ќе чувствувате многу нови, неочекувани работи“.

„Не бев подготвена за тоа колку ќе сакам бараме малку време за мене. Дури и ако сопругот ги чува децата за да можам да се релаксирам, јас сепак сум целосно фокусирана на нив“.

„Луѓето не зборуваат за емотивните моменти, и добри и лоши. Кога детето ќе ги направи првите чекори, кога првпат го оставате во градинка, кога го носите на лекар да му ја зашијат раната.

Искрено, ќе почувствувате љубов, емпатија и страв на сосема подруго ниво“.

„Има и позитивни работи – децата се навистина смешни. Нивите експресии, зборовите што ги користат и нивната логика се посмешни од која било шега.

И, нивните интереси ќе станат и ваши интереси. На пример, јас сега ги знам имињата на 36 диносауруси“.

Спирова С. | Црнобело