6 лекции на кои секоја мајка треба да ја научи својата ќерка (и не се за мажи)

Твојот ум е твојот најсилен адут. Физичкиот изглед привлекува луѓе, но менталната стабилност е таа што те прави цврста и што ќе ги освои луѓето околу тебе на подолг рок.

Секоја мајка треба да ја научи својата ќерка како да остане своја.

Преку своето животно искуство мајките треба да им пренесат значајни лекции на своите ќерки

Лекции на кои секоја мајка треба да ја научи својата ќерка:

Твојот ум е твојот најпривлечен адут

Физичкиот изглед привлекува луѓе, но менталната стабилност, знаењето и внатрешниот мир се тоа што те прави цврста и што ќе ги освои луѓето околу тебе на подолг рок.

Учи, читај, биди љубопитна. Научи да ги препознаеш своите импулсивни мисли, да не им веруваш секогаш и да ги менуваш кога стануваат токсични.

Светот се менува, но мирната глава и отворениот ум се вечни.

„Не“ не е лош збор

Границите се облик на самопочит. Не мораш да им се допаѓаш на сите, ниту да објаснуваш зошто нешто не сакаш.

Ако некому му пречи твоето „не“, тоа зборува за нив, не за тебе.

Најголемиот товар што ќе го симнеш од себе е оној што го носиш обидувајќи се да им угодиш на сите.

Пронајди ја својата дефиниција за забава

Забавата за една млада жена не мора да значи само клубови. Може да значи уживање во тишината, добра книга, прошетка, танц, цртање, готвење.

Научи да уживаш во работите што ја хранат твојата душа, а не егото на другите.

Вистинската забава е кога си присутна, а не кога бегаш од себе.

Внимавај што гледаш, читаш и впиваш

Она со што го исполнуваш својот ден го храни твојот ум. Ако постојано консумираш драма и животот ти станува драма.

Ако се опкружиш со мудрост, уметност, мир и хумор, тоа ќе стане твојот внатрешен пејзаж.

Нахрани ги своите мисли со она што сакаш да станеш.

Златните години за учење се од 15 до 30

Од петнаесеттата до триесеттата ќе научиш најмногу за себе, преку грешки, загуби, љубови и разочарувања.

Не брзај да станеш „средена“, „успешна“ или „идеална“.

Тоа е време да паднеш, да се бараш и да научиш да стоиш сама. Тоа е процес, не трка.

Исцели се пред да станеш мајка

Твоите деца не треба да го носат товарот на твоите рани.

Затоа, запознај ги своите стравови, расчисти го своето детство и научи да сакаш без проекции.

Мајчинството не е крај на твојот раст, туку продолжение и најдобриот дар што можеш да му го дадеш на своето дете е твојата емотивна зрелост.

С. С. | Црнобело