„Дали јас ги воспитувам децата или ТикТок?“ – Загрижени родители за новиот тренд со Dumpling играчки, со кои младите се опседнати

„Дали навистина сакам моето дете вака да се „губи“ на ТикТок и во вистинскиот живот кога нема да ја добие посакуваната боја од некоја играчка? Дали воспитувам јас или ТикТок?“ - загрижена мајка за најновиот тренд кај децата и младите, меки Dumpling играчки, со кои се опседнати на ТикТок, а може да бидат и штетни. 

По Лабубу куклите, но и уште многу трендови на играчки кои постоеја уште во наше време, сега нов хит помеѓу младите на социјалните мрежи се Dumpling играчките.

Станува збор за меки играчки за стискање, во форма на јапонскиот специјалитет „dumpling“, спакувани се во кутија и додека не се купат и отворат, децата не знаат што се крие внатре.

Играчките доаѓаат во разни бои – има еднобојни кои се сметаат за најобични, шарени, како и светкави по кои децата се најмногу опседнати.

На социјалните мрежи, најмногу на ТикТок, децата се снимаат додека ги отвораат играчките и си ги снимаат реакциите, па така кога е еднобојно се разочарани, а кога ќе им се погоди светкаво, врескаат од возбуда.

@user4929281131304

Ranking the funniest Dumplings Squishy unboxing moments #funny #dumplings

♬ Shatter and Glow - Nayeli Grimes

Сепак, експертите предупредуваат да се внимава, бидејќи заради големата популарност, почнуваат да се произведуваат од најразлични брендови и со непроверен квалитет.

Од BBC објавуваат дека истрага во Велс покажала дека некои од овие играчки имаат чуден мирис, а тестовите откриле дека се пронајдени опасни хемикалии во продуктите, кои не се според стандардите.

@learning.the.limits

These squishy mystery dim sum dumplings are everywhere where we live. It’s concerning to say the least that this is a children’s toy for ages 3 and up. Please be careful when deciding to get these for your kids. Disclaimer: this is not a foolproof test, but these toys do have a strong chemical smell and I would just like verification of if these have been tested and deemed to be safe by an official consumer safety agency. #squishy #dumplings #mystery #dimsum

♬ Chopin Nocturne No. 2 Piano Mono - moshimo sound design

Родителите исто така покажуваат загриженост за овие трендови, а мајка од Србија, која е и педагог во основно училиште, посвети цела објава на оваа тема.

@luca.alongi1

Rate this store bundle.#fyp #squeezetoy #trending #silconsquishy #dumplings

♬ original sound - Luca Alongi

Во продолжение ја пренесуваме во целост:

„Како Dumpling одеднаш стана толку попларно помеѓу нашите деца? На ТикТок гледаат реакции ја dumpling изненадување, кога нема да го добиеш она со светки...

И веруваат дека тие личности навистина се нервираат и лутат за Dumpling. Па сигурно мора да биде многу важно нешто тоа штом така реагираат на тоа, нели?

Потоа и родителите снимаат видеа со децата во кои покажуваат дека тоа е кул. И така, твоето и моето дете почнуваат да зборуваат само за тоа.

Почнуваат да врескаат кога нешто не им се допаѓа. И се снима на ТикТок на ист начин. И да, проблем е тоа што тоа е канцерогена гума.

Проблем е тоа што на детето тоа му станува опсесија. Но најголем проблем е тоа што се нормализира ова ненормално однесување кое се прикажува на ТикТок и се носи дома, во друштво, на училиште.

Дали навистина сакам моето дете вака да се „губи“ на ТикТок и во вистинскиот живот? Дали воспитувам јас или ТикТок?

Се надевам дека ќе сфатиме како ТикТок си игра со емоциите и мозоците на нашите деца – бесчувствително и агресивно. И тоа не е претерување. Тоа е морничава реалност.

Но ние можеме да бираме. Никој не нè тера да гледаме такви работи и да му даваме на детето екрани за само да бира што ќе гледа.

Луѓе, да ја бираме иднината на нашите деца така што ќе им дадеме вистинско детство и вистински вредности, а не ова“.

М. М. | Црнобело / фото: depositphotos.com