5 супернамирници за дохрана на вашето бебе

Мајките често се прашуваат кога да почнат со дохрана на бебето и кои намирници се погодни за почеток, па затоа важно е да знаете како да започнете.

Новата храна се внесува во мали количини, постепено, по еден производ за главен оброк.

Со класичните кашички, обидете се да ги искомбинирате овие 5 лесни супернамирници кои дечињата ги обожаваат:

1. Јогурт - Богат извор на калциум и витамин Д, кој допринесува за здравје на коските. Совршен е за дохрана на 6-месечни дечиња, а можете да го комбинирате со омиленото овошје.

2. Темно зелен, лиснат зеленчук - Полн со железо и фолна киселина, овој вид на зеленчук е важен за правилен развој. Започнете со спанаќ, но не заборавајте и на блитвата и листовите од цвекло. Омекнете ги, испасирајте ги и додадете ги во обичната кашичка.

3. Тиква - Тиквата е одличен извор на витамин А и Ц. Слатка е и има супер кремаста текстура. Можете да направите кашичка од тиква и млеко, без сомневање детето ќе ужива во чистиот и сладок вкус.

4. Леќа - Богата со белковини и влакна, одлична е за потребите на малите дечиња. Исто така е евтина, а можете да ја комбинирате со супа и сите солени течни варијации.

5. Боровници - Содржат флавоноиди кои се добри за очите на бебето, мозокот, па дур и уринарниот тракт. Понудете му ги чисти, измиксирани и разредени со малку вода.