Кога познатите читаат злобни твитови е смешно. Но кога ги читаат децата, реакцијата е поинаква (видео)

По примерот кој го прави комичарот Џими Кимел со познатите кои ги читаат злобните твитови напишани за нив и се смеат, истото го применила и една канадска агенција, но со поинаква цел.

За да се покаже влијанието на лошите зборови врз децата во развој, оваа канадска агенција им дала на група деца сами да си ги читаат злобните твитови кои ги напишале некои други од нивното училиште.

Во повеќето од твитовите се зборува за лошиот изглед, глас или карактер на некое од децата, но има и сериозни твитови во кои им се упатуваат пораки за самоубиство.

Нивните реакции се тотално различни од оние на познатите, кога ги читаат злобните твитови:

За да се покрене свеста околу влијанието на ваквите пораки, спроведена е и цела кампања за собирање средства кои ќе бидат наменети за изработување видео кое ќе стигне до сите.