Кинеска табела за пресметување на полот на бебето

Доколку сте бремени и нетрпеливи – откријте, а доколку веќе имате дечиња – проверете ја точноста на оваа табела.

Се разбира дека најважно е бебето да е здраво, меѓутоа ниту едни родители не се имуни на љубопитноста каков пол е нивното дете.

Иако е речиси невозможно да го откриете полот преку бајачки и бабини деветини, сепак некогаш може да се погоди, на среќа.

Но, за оваа кинеска табела се тврди дека има голем процент на точност.

Треба да го вкрстите месецот во кој бебето е зачнато со годините кои сте ги имале во моментот. Но, важно е да ја користите вашата „кинеска“ возраст.

Во Кина, кога бебето ќе се роди, веќе се смета дека има една година. Кога ќе дојде Кинеската нова година, се смета дека има две години. 

Ова значи дека според кинеското сметање на годините, вие имате една или две години повеќе отколку што имате. Односно, ако имате 27, според кинеското сметање имате 28 или 29.

Бидејќи Кинеската нова година секогаш е на различен датум, најлесно е да го искористите калкулаторот на линкот.

На полето Your Date of Birth запишете го вашиот датум на раѓање. На долното поле - Lunar Age and Lunar Day as on - треба да стои датумот на зачнување.

Калкулаторот ќе ви ја пресмета кинеската возраст на денот на зачнување, па потоа само искористете ја табелата погоре. 

Розовите полиња се ознака за девојче, сините се ознака за момче.

М. Д. | Црнобело